Lute 3:13 - Tosi Tapu

¹³ Nofo i leinei i le pouli. I apogipogi, kapau e loto loa a ia ke fai lona maua fakakaiga kiate koe, ti ke fai vave loa e ia ; kae kapau e leaise loto loa a ia ke fai e ia kiate koe lona maua fakakaiga, ti ko au, e kau fai loa a ia, e mauli le Eteleno ! Moe i lena o kaku ki le usu.

Lute 3:13 Iomraidhean Croise

Selemia 12:16

Ti kapau e lotou ako a ala o loku kakai, Kapau e lotou fakapapau i loku suafa, o pati : E mauli le Eteleno ! Ofaipe lalatou ako ki loku kakai ke fakapapau i le igoa o Paale, Ti e lotou fiafia loa i le manuia i loto malie o loku kakai.

Selemia 4:2

Kapau e ke fakapapau : E mauli le Eteleno ! I le maoki, mo le loto sako ti mo le faitotonu, Ti e tapuakina loa a atu puleaga iate ia, Ti e lotou fakakololia loa iate ia.

Lua tosi ki le kau Kolinto 1:23

Kae e kau too le Atua ko se fakamaoki ki loku laumalie, e tupu ko loku alofa kia koutou, leia na leaise kau toe natu ai ki Kolinito ;

Epelo 6:16

Talie e maoki e fakapapau a tagata i se tasi leia e lasi ake ia latou ; ti ko le fakapapau ko se fakamaoki a ia, leia e fakagato ia a visi fuli.

Tuifakamaau 8:19

Na pati loa Seteone : Ko oku fetaina latou, ko vosa latou o loku tinana totonu. E mauli le Eteleno ! Kanapau na kolua fakamauli loa latou, e leaise kau tamate loa koulua.

Lute 2:20

Na pati loa Naomi ki lona fugao : Ke tapuakina a ia e le Eteleno, leia e manavaalofa kia latou ala e mauuli ofaipe lona manavaalofa kia latou kua mamate ! Ti na toe pati loa Naomi kiate ia : Ko le tagata lena ko lota kaiga totonu, e kau a ia kia latou ala e ofi kia taua.

Lute 3:12

E maoki ko au ko lou kaiga feofi, kae e i ai le tasi leia e feofi ake iate au.

Lute 4:5

Na pati loa Poase : Ko le aso leia e ke totogi ai loa le kele ia Naomi, e ke toe too ai loa mo Lute, le fafine Moape, avaga o leia kua mate, ke toe lagai ai loa le igoa o leia kua mate i lona tofiga.

Lute 4:6

Ti na tali loa le tagata : Kapau ko lena, ti e leaise mafai loa ke kau totogi a ia, talie e kau i na pulinoa loa loku tofiga ; too e koe mo ou le kaiga feofi, talie e leaise mafai ke kau too a ia.