Lute 3:10 - Tosi Tapu

¹⁰ Ti na pati loa Poase : Ke tapuaki le Eteleno kiate koe, ei loku taine ! Ko le nea leinei kua ke fai e fakamaoki ki lou agatonu ki le famili o lou avaga, ti e toe lasi ake a ia i nea fuli ala na ke fai. Talie na leaise ke afa ia le alofa o ni tagata koi muli, pe mou koloa pe mativa.

Lute 3:10 Iomraidhean Croise

Senesi 24:31

Ti na pati loa a ia : Au, ei tapuakina a le Eteleno ! Kolea e ke nofo ai i fafo ? Kua kau teuteui le fale, mo se nofoaga ki au kamelo.

Lute 1:8

Ti na pati loa Naomi ki ona fugao : Kolua ano, kolua tasi toe liliu ki le fale o lona tinana ! Ke tuku e le Eteleno lona agamalie kia koulua ofaipe lokoulua agamalie kia latou ala kua mamate ti mo au foki !

Lute 2:11

Na tali loa Poase kiate ia : Kua fakasa mai kiate au a nea fuli ala na ke fai ki lou tinana, talu mei le mate o lou avaga, ti mo lau tiaki lou tamana mo lou tinana, ti mo le fenua leia na ke tupu ai, kae ke au ki se kakai leia na leaise ke iloa i mua.

Lute 2:20

Na pati loa Naomi ki lona fugao : Ke tapuakina a ia e le Eteleno, leia e manavaalofa kia latou ala e mauuli ofaipe lona manavaalofa kia latou kua mamate ! Ti na toe pati loa Naomi kiate ia : Ko le tagata lena ko lota kaiga totonu, e kau a ia kia latou ala e ofi kia taua.

Lute 2:4

Ti ko leinei, na au loa Poase mei Peteleemi, ti na pati loa a ia ki le kau gaoi : Ke nofo le Eteleno mo koutou ! Na lotou tali loa kiate ia : Ke tapuaki le Eteleno kiate koe !

Lute 3:9

Na pati loa a ia : Ko ai a koe ? Na tali loa le fafine : Ko au Lute, lau fafine fakasausau ; folasi mai lou lima ki lau fafine fakasausau, talie e ke kau ia latou ala e ofi kiate au.

Uluaki tosi a Samuele 15:13

Na ano loa Samuele kia Saulo, ti na pati loa Saulo kiate ia : Ke tapuaki le Eteleno kiate koe ! Kua kau fai le fakatotonu a le Eteleno.