Lute 2:9 - Tosi Tapu

⁹ Tio ki le ganea leia e tuuti ai le fulumeto i le faisaga, ti ke ano i muli o fafine tanaki fulumeto. Kua kau fakatotonu ki aku tagata fakasausau ke aua na lotou fafa loa kiate koe. Ti ka ke fia inu loa, ti ke ano loa o inu i fa vai ala kua asu e le kau tagata fakasausau.

Lute 2:9 Iomraidhean Croise

Senesi 20:6

Na pati loa le Atua kiate ia i le moe miti : E kau iloa na ke fai le nea lena i se loto mea ; koia na kau taofi ai a koe ke aua na ke agasala kiate au. Koia foki leia na leaise kau fakataga ai ke ke fafa ki le fafine.

Sopo 19:21

Kotou alofa mai, kotou alofa mai kiate au, ei oku kaukaunea ! Talie kua taai au e le lima o le Atua.

Pesalemo 105:15

Aua na kotou fafa ki aku filifiliia, Aua na kotou fai se nea veli ki aku polofeta !

Taagapati 6:29

E tatau foki mo leia e ano ki le avaga o lona oloi : Ko leia e fafa kiate ia e leaise nofo loa sala tautea.

Mateo 10:42

Ti ko leia e soli ia loa se ipu vai momoko e tasi ki se tasi i toe liliki anei talie ko laku tisipulo a ia, e kau pati maoki atu kia koutou, e leaise puli loa lona fakapale.

Uluaki tosi ki le kau Kolinto 7:1

O uiga mo nea ala na kotou fai tosi mai ai kiate au, e kau manatu e malie ki le tagata ke aua na lave ki se fafine.

Uluaki tosi a Soane 5:18

E tou iloa ko leia fai na tupu mei le Atua e leaise fai ia le agasala ; kae ko leia na tupu mei le Atua e taupau e ia a ia totonu, ti e leaise fafa leia e Veli kiate ia.

Lute 2:10

Ti na fakamapee loa a ia ki ona mata, ti na punou loa a ia ki le kele, o pati kiate ia : Kolea kua kau maua ai le alofa i ou mua, talie kua ke fia tokaga kiate au, leia ko se fafine matapule ?

Lute 2:8

Na pati loa Poase kia Lute : Fakalogo mai, ei loku taine, aua na ke ano loa o tae fulumeto i se tasi ake faisaga ; aua na ke fakamamao loa i leinei, kae ke ke nofo mau loa mo aku fafine fakasausau.