Lute 2:3 - Tosi Tapu

³ Na ano loa a ia o tae fulumeto i se faisaga, i muli o le kau tuuti fulumeto. Ti na to manuia loa na maua le faisaga lena e Poase, leia mei le famili o Elimeleke.

Lute 2:3 Iomraidhean Croise

Lua tosi a Samuele 1:6

Ti na tali loa le tama lena na au mo le logo : Na kau nofo totonu i le mauga o Kilipoa ; ti ko leinei, na fafanaki Saulo ki lana tao ti kua ofi ake kiate ia a saliote mo tagata ekeosi.

Lua tosi a Samuele 20:1

Na nofo i lena se tagata agaveli, na igoa ko Sepa, vosa o Pikili, ko se tagata o Pesamino. Na pupusi loa e ia le fakatagi pupusi, o pati : E leaise motou kau loa kia Tavite, e leaise nea fua leia e motou fakatasi ai mo le vosa o Isaia ! Ke kotou tasi ano ki lona falela, kakai o Iselaele !

Lua tosi o Sau 8:5

Ti na lolotoga fakamatala loa e Keasi ki le sau le fakamauli e Eliseo se tasi na mate, ko leinei, na tau ake le fafine leia na fakamauli lona toe e Eliseo, ke kole ki le sau ke tuku ake lona fale mo lona kele. Na pati loa Keasi : Ei sau, loku aliki, ko leinei le fafine, ti ko leinei mo lona tama leia na fakamauli e Eliseo.

Mateo 10:29

Pe leaise fakatau koia ni ga miti e lua ki se fa piesi e tasi ? Kae e leaise vilo fua se ga miti e tasi ki le kele, sala mo le finegalo o lokoutou Tamana.

Luka 10:31

Ko se tagata faisakilifisio, leia na fuafuaki ifo mai i le ala lena, na tio loa ki le tagata lena, kae na fakalaka kese loa a ia.

Lua tosi ki le kau Tesalonika 3:12

E motou fakaafe latou ana, ti e motou kole kia latou i le Aliki ko Sesu-Kilisito, ke lotou kai lalatou pane totonu, o gaoi i le tokamalie.

Lute 2:2

Na pati loa a Lute, le fafine Moape, kia Naomi : E kau kole atu kiate koe, ke ke tuku au ke kau ano o taetae ni taulu fulumeto i le faisaga o leia e alofa loa kiate au. Na tali loa Naomi kiate ia : Ano, ei loku taine.

Lute 2:4

Ti ko leinei, na au loa Poase mei Peteleemi, ti na pati loa a ia ki le kau gaoi : Ke nofo le Eteleno mo koutou ! Na lotou tali loa kiate ia : Ke tapuaki le Eteleno kiate koe !