Lute 2:20 - Tosi Tapu

²⁰ Na pati loa Naomi ki lona fugao : Ke tapuakina a ia e le Eteleno, leia e manavaalofa kia latou ala e mauuli ofaipe lona manavaalofa kia latou kua mamate ! Ti na toe pati loa Naomi kiate ia : Ko le tagata lena ko lota kaiga totonu, e kau a ia kia latou ala e ofi kia taua.

Lute 2:20 Iomraidhean Croise

Lua tosi a Samuele 2:5

Ti na kakau loa e Tavite ni tagata avelogo ki le kakai o Sapesi i Kalaate, ke pati kia latou : Ke tapuaki le Eteleno kia koutou, talie na kotou fakasa lokoutou agamalie kia Saulo, lokoutou pule, ti na kotou tanu a ia.

Lua tosi a Samuele 9:1

Na pati loa Tavite : Pe koi toe se tasi i le fale o Saulo, ke kau fai kiate ia se nea malie o tupu ko Sonatane ?

Sopo 19:25

Kae e kau iloa e mauli loku fakamauli, Ti e tuu fakamuli ake loa a ia i le malama nei.

Taagapati 17:17

E alofa le kaukau nea i temi fuli, Ti i le malaia e fai a ia pe se taina.

Levitiko 25:25

Kapau e liliu loa o mativa lou taina ti e fakatau loa e ia se koga o lona kele, e au loa lona famili ofi o toe totogi le kele o lona taina.

Filipe 4:10

Na kau logoi se fiafia lasi i le Aliki i laku tio kua kotou toe fakafoou le maoki o lokoutou alofa kiate au ; ko le maoki, na kotou manatu tuumau kiate au, kae na leaise kotou maua ia fua se faigamalie ke fakasa ai a ia.

Lute 2:21

Ti na pati loa a Lute, le fafine Moape : Na pati mai foki a ia : Nofo mo aku tagata fakasausau, o kaku ki le oki o le tuuti o laku fulumeto.

Lute 3:12

E maoki ko au ko lou kaiga feofi, kae e i ai le tasi leia e feofi ake iate au.

Lute 4:14

Na pati loa a fafine kia Naomi : Ke tapuaki le Eteleno, leia na leaise tiaki ia a koe ke ke sala tagata leia e kaiga feofi mo koe i le aso nei, ti e mauiga loa lona igoa i Iselaele !

Lute 4:4

Na kau manatu loa e tonu ke kau fakasa atu a ia kiate koe, ti mo pati atu kiate koe : Ke ke totogi le kele, i mua o le kakai mo le kau matua o loku kakai. Kapau e ke loto ke ke totogi a ia, ti ke totogi a ia ; kae kapau e leaise ke loto ki ai, fakasa mai a ia kiate au ke kau iloa. Talie e leaise tasi leia e kaiga feofi i ou mua, ti ko au e kau olo atu kiate koe. Na tali loa le tagata : E kau totogi loa a ia.

Lute 4:6

Ti na tali loa le tagata : Kapau ko lena, ti e leaise mafai loa ke kau totogi a ia, talie e kau i na pulinoa loa loku tofiga ; too e koe mo ou le kaiga feofi, talie e leaise mafai ke kau too a ia.