Lute 2:2 - Tosi Tapu

² Na pati loa a Lute, le fafine Moape, kia Naomi : E kau kole atu kiate koe, ke ke tuku au ke kau ano o taetae ni taulu fulumeto i le faisaga o leia e alofa loa kiate au. Na tali loa Naomi kiate ia : Ano, ei loku taine.

Lute 2:2 Iomraidhean Croise

Senesi 32:6

Na toe liliu ake loa a tagata avelogo kia Sakopo, o pati : Na motou ano o fakafelavei ki lou taina ko Esau ; ti ko leinei kua saele mai a ia kiate koe mo tagata e tino lelau fa.

Levitiko 19:10

Aua na ke tau loa le nea leia e toe i lau vite, ti aua na ke tanaki loa a fuai vite ala kua vivilo ki lalo. E ke tuku loa a nea ana ki le mativa mo le matapule. Ko au ko le Eteleno, ko lokoutou Atua.

Levitiko 19:16

Aua na ke fakamafola loa ni fatufatu loi ki se tasi o lou kakai. Aua na ke fai loa ni fakamaoki loi ke tamate ai lou oloi. Ko au ko le Eteleno.

Levitiko 19:9

Ka kotou tuuti loa a fua i lokoutou fenua, e ke tuku loa se ga potu o lau faisaga, o leaise ke tuuti loa lona fua, ti e leaise ke tanaki loa le nea leia e toe i lau faisaga.

Levitiko 23:22

Ka kotou fai loa le tuuti o le fulumeto i lokoutou fenua, e ke tuku loa se ga koga o lou faisaga leia e leaise ke tuuti loa, ti aua na ke tae loa le nea leia e toe. E ke tuku loa a ia ki le mativa mo le matapule. Ko au ko le Eteleno, ko lokoutou Atua.

Lute 2:3

Na ano loa a ia o tae fulumeto i se faisaga, i muli o le kau tuuti fulumeto. Ti na to manuia loa na maua le faisaga lena e Poase, leia mei le famili o Elimeleke.

Lute 2:7

Na pati mai a ia kiate au : Fakataga mai kiate au ke kau taetae fulumeto i muli o le kau tuuti fulumeto, i vasa o fui fulumeto. Ti e talu mei le usu, mei lana kaku mai, mo lana tuu i aluga o kaku mai ki le lakaga nei, ti na ano tua tasi a ia ki fale, o manavanava i se ga temi ikiiki.

Uluaki tosi a Samuele 1:18

Na pati loa Ana : Ke maua e lau fafine fakasausau se kalasia i ou mata ! Ti na ano loa le fafine lena. Na kai loa a ia, ti na leaise toe tatau loa ona mata mo mua.