Lute 2:13 - Tosi Tapu

¹³ Ti na pati loa a Lute : Oi, ke kau maua se kalasia i ou mata, ei loku aliki ! Talie kua ke fakapelepelei loku loto, ti kua ke masau ki le loto o lau fafine fakasausau ; logo ai e leaise kau faipe se tasi o au fafine fakasausau.

Lute 2:13 Iomraidhean Croise

Senesi 32:6

Na toe liliu ake loa a tagata avelogo kia Sakopo, o pati : Na motou ano o fakafelavei ki lou taina ko Esau ; ti ko leinei kua saele mai a ia kiate koe mo tagata e tino lelau fa.

Senesi 33:10

Ti na tali loa Sakopo : Leai, e kau kole atu kiate koe, kapau kua ke alofa kiate au, tali le moliga kua kau fai kiate koe. Talie kua kau tio ki ou mata ofaipe laku tio ki mata o le Atua, talie kua ke tali au i le loto malie.

Senesi 33:15

Ti na pati loa Esau : E kau loto loa ke tuku atu kiate koe se koga o loku kakai. Ti na tali loa Sakopo : Kolea lona tupuaga ? Kua lasi ai le alofa o loku aliki kiate au, i lau tali au i le loto alofa.

Senesi 33:8

Ti na pati loa Esau : Kolea le uiga o kau manu ala na felavei mo au i le ala ? Ti na tali loa Sakopo : Ke kau maua i ai lou manava alofa.

Senesi 34:3

Ti na pipiki loa lona loto ki le taine o Sakopo ko Tina. Na mamana loa a ia ki le taine, ti na poto loa a ia i le masau ki lona loto.

Senesi 43:14

Ke alofa le Atua mafimafi o tuku ke tali malie koutou e le tagata lena ti ke kotou toe liliu mai kiate au mo lokoutou taina ko Pesamino ti mo Simeone. Ti ko au, kapau e tonu ke kau nofo sala mo aku fanau, ti ke kau sala !

Lua tosi a Samuele 16:4

Na pati loa le sau kia Tesipa : Ko leinei, kua ke maua a nea fuli a Mefiposete. Ti na punou loa Tesipa ki le kele, o pati : Ke finegalo alofa mai kiate au loku aliki le sau !

Taagapati 15:33

Ko le i ki le Eteleno e ako ia le poto, Ti e muamua le fakataulalo i le kololia.

Oseo 2:16

Koia kua kau loto ai i le aso nei ke kau maselei a ia, ti ke kau taki a ia ki le toafa, ti e kau masau loa ki lona loto.

Filipe 2:3

Aua na kotou fai se nea i se loto fakatautau pe i se loto fia sa, kae i le loto agamalu ke kotou tio ki la ake o sakinake e lotou taualuga ake ia koutou totonu.

Tuifakamaau 19:3

Na tuu ake loa le tagata levita, o ano ki lona avaga, ke masau ki lona loto ti ke toe liliu mo ia. Na ano loa a ia mo lana tagata fakasausau tupulaga mo asino e lua. Na fakaulu ake loa e le fafine a ia ki le fale o lona tamana, leia na tali fakafiafia ia loa a ia, i lana tio kiate ia.

Lute 2:12

Ke totogi e le Eteleno au gaoi kiate koe, ti ke soli atu se totogi lasi kiate koe e le Eteleno, le Atua o Iselaele, leia kua ke au o mumuni i lalo o ona kapakau !

Lute 2:14

I le temi o le kai, na pati loa Poase kia Lute : Au ki leinei, kai le pane, ti ke peke lau koga pane ki le sosa. Na tonatona loa a ia i tafa o le kau tuuti fulumeto. Na soli loa kiate ia ni fuai fulumeto tunu ; ti na kai loa a Lute o makona, ti na taupau loa e ia le nea leia na toe.

Uluaki tosi a Samuele 1:18

Na pati loa Ana : Ke maua e lau fafine fakasausau se kalasia i ou mata ! Ti na ano loa le fafine lena. Na kai loa a ia, ti na leaise toe tatau loa ona mata mo mua.

Uluaki tosi a Samuele 25:41

Na tuu ake loa Apikaile ki aluga, o punou ona mata ki le kele, o pati : Ko leinei, e liliu loa lau fafine fakasausau ko se fafine popula ke fufulu ia a vae o tagata fakasausau a loku aliki.