Lute 2:10 - Tosi Tapu

¹⁰ Ti na fakamapee loa a ia ki ona mata, ti na punou loa a ia ki le kele, o pati kiate ia : Kolea kua kau maua ai le alofa i ou mua, talie kua ke fia tokaga kiate au, leia ko se fafine matapule ?

Lute 2:10 Iomraidhean Croise

Senesi 18:2

Na siki ake loa e ia ona mata, o tio : ti ko leinei, kua tutuu ni tagata e toka tolu o ofi kiate ia. I lana tio kia latou, na makape loa a ia ki olatou mua, mei le matapa o le falela, o punou ki le kele.

Lua tosi a Samuele 19:28

Talie na tonu ke mamate latou fuli o le fale o loku tamana i mua o le sau loku aliki ; kae na ke tuku lau tagata fakasausau ke kai mo latou ala e kai i lou laupapa. Kolea le nea koi mafai ke kau kole ki le sau ?

Lua tosi a Samuele 7:18

Ti na ano loa le sau ko Tavite o nofo i mua o le Eteleno, o pati : Ko ai au, ei Aliki Eteleno ? ti kolea loku fale, kua ke fakakaku mai ai au ki le tuulaga e kau nofo ai nei ?

Lua tosi a Samuele 9:8

Na punou loa Mefiposete, o pati : Kolea lau tagata fakasausau ke ke tokaga ai ki se kuli mate ko au ?

Levitiko 19:34

E kotou fai loa kiate ia ofaipe se tasi o koutou ; e kotou alofa loa kiate ia ofaipe koutou totonu, talie na kotou matapule foki i le fenua o Esipito. Ko au ko le Eteleno, ko lokoutou Atua.

Mateo 25:35

Talie na kau fia kai, ti na kotou soli mai kiate au se nea ke kai ; na kau fia inu, ti na kotou soli mai kiate au se nea ke inu ; na kau matapule ti na kotou tali au ;

Luka 1:43

Ti e feaki kua tuku mai ai kiate au ke au le tinana o loku Aliki kiate au ?

Luka 1:48

Talie na tagaki mai e ia ona mata ki le gaegae o lana fafine fakasausau. Talie ko leinei, i le lakaga nei e pati loa tautupu fuli kiate au : Fafine manuia,

Loma 12:10

Ke kotou fealofani i se alofa fakatautaina ; ke kotou tokaga ki le fakaapaapa i okoutou vasaa.

Lute 2:11

Na tali loa Poase kiate ia : Kua fakasa mai kiate au a nea fuli ala na ke fai ki lou tinana, talu mei le mate o lou avaga, ti mo lau tiaki lou tamana mo lou tinana, ti mo le fenua leia na ke tupu ai, kae ke au ki se kakai leia na leaise ke iloa i mua.

Lute 2:13

Ti na pati loa a Lute : Oi, ke kau maua se kalasia i ou mata, ei loku aliki ! Talie kua ke fakapelepelei loku loto, ti kua ke masau ki le loto o lau fafine fakasausau ; logo ai e leaise kau faipe se tasi o au fafine fakasausau.

Lute 2:19

Na pati loa lona tinana kiate ia : Na ke tae fulumeto ifea i le aso nei, ti na ke gaoi ifea ? Ke manuia leia na tokaga atu kiate koe ! Ti na fakasa loa e Lute kia Naomi le faisaga leia na gaoi ai a ia, o pati : Ko le tagata leia na kau gaoi ai i le aso nei e igoa ko Poase.

Lute 2:2

Na pati loa a Lute, le fafine Moape, kia Naomi : E kau kole atu kiate koe, ke ke tuku au ke kau ano o taetae ni taulu fulumeto i le faisaga o leia e alofa loa kiate au. Na tali loa Naomi kiate ia : Ano, ei loku taine.

Lute 2:9

Tio ki le ganea leia e tuuti ai le fulumeto i le faisaga, ti ke ano i muli o fafine tanaki fulumeto. Kua kau fakatotonu ki aku tagata fakasausau ke aua na lotou fafa loa kiate koe. Ti ka ke fia inu loa, ti ke ano loa o inu i fa vai ala kua asu e le kau tagata fakasausau.

Uluaki tosi a Samuele 25:23

I le tio a Apikaile kia Tavite, na ifo fakatavili loa a ia mei le asino, o tulolo ona mata ki le kele i mua o Tavite.