Lute 1:17 - Tosi Tapu

¹⁷ Ko le ganea leia e ke mate ai loa, e kau mate ai loa ti e kau tanu ai loa. Ke tautea au e le Eteleno i lona makeke katoa, mo kapau e i ai se tasi ake a nea i le mate e vaei ia loa au meiate koe !

Lute 1:17 Iomraidhean Croise

Lua tosi a Samuele 15:21

Na tali loa Itai ki le sau : E mauli le Eteleno, ti e mauli loku aliki, le sau ! I le ganea leia e nofo ai loa loku aliki le sau, ki le mate pe ki le mauli, i le ganea lena e nofo ai loa lau tagata fakasausau.

Lua tosi a Samuele 19:13

E kotou toe pati loa kia Amasa : Pe leaise ko loku ivi mo loku kanofi a koe, ke tautea au e le Atua i lona makeke katoa mo kapau e leaise ke liliu i oku mua ko le pule o le solia, o fetogi Soape, o lee gato !

Lua tosi a Samuele 3:35

Ti na toe fetagisi loa le kakai katoa kia Apenele. Na fakafeofi ake loa le kakai katoa kia Tavite o fakakolekole kiate ia ke kai e ia se nea kai koi ao ; kae na fakapapau loa Tavite, o pati : Ke tautea au e le Atua i lona makeke katoa, mo kapau e kau kai se pane pe ko se nea fua i mua o le galo o le laa !

Lua tosi a Samuele 3:9

Ke tautea e le Atua a Apenele i lona makeke katoa, mo kapau e leaise kau fai kia Tavite o mulimuli ki le fakapapau a le Eteleno kia Tavite,

Uluaki tosi o Sau 13:31

I le oki o lona tanu, na pati loa a ia ki ona vosa : Ka kau mate loa, ke kotou tanu loa au i le tanuma leia kua tanu ai le tagata a le Atua, ti ke kotou tuku loa oku ivi i tafa o ona ivi.

Uluaki tosi o Sau 19:2

Na kakau loa e Sesapele se tagata avelogo kia Elia, o pati kiate ia : Ke tautea au e oku atua i lolatou makeke katoa mo kapau i apogipogi, i le ola leinei, e leaise kau fai loa ki lou mauli le nea leia na ke fai ki le mauli o le kau polofeta !

Uluaki tosi o Sau 2:23

Ti na fakapapau loa le sau ko Salomone i mua o le Eteleno, o pati : Ke tautea au e le Atua i lona makeke katoa, mo kapau e leaise mate loa Atonisa i lana fai ia a masau ana !

Uluaki tosi o Sau 20:10

Na toe kakau loa e Pene-Atate ke pati kia Akapo : Ke tautea au e atua ki lolatou makeke katoa, mo kapau e kau tuku loa i Samalia se efui fatu ke tasi mo ia laku kau solia katoa o fakaapele lona alofilima !

Lua tosi o Sau 6:31

Na pati loa le sau : Ke tautea au e le Atua i lona makeke katoa, mo kapau e pikipiki le fa ulu o Eliseo, vosa o Safate, iate ia i le aso nei !

Pesalemo 45:10

E kau ni taine o sau i ou mamanaaga ; E nofo le fafine sau i lou fetuu atamai, kua teu a ia ki le aulo o Ofile.

Gaoi 11:23

I lana kaku ki ai, o tio ki le kalasia o le Atua, na fiafia loa a ia, ti na ako loa e ia latou fuli ke lotou pipiki mau ki le Aliki.

Gaoi 20:24

Kae e leaise kau tokaga fua ki loku mauli, o sakinake koi mauiga a ia kiate au, kae kese fua ke kau fakaoki i le fiafia laku makape, ti mo le gaoi leia kua kau tali mei le Aliki Sesu, ke fakasa le logo malie o le kalasia o le Atua.

Lute 1:16

Na tali loa a Lute : Aua na ke fakamakeke au ke kau tiaki a koe, ti ke kau toe liliu o mamao mo koe ! Ko le ganea leia e ke ano loa ki ai, e kau ano loa ki ai ; ko le ganea leia e ke nofo loa i ai, e kau nofo loa i ai ; e liliu loa lou kakai ko loku kakai, ti e liliu loa lou Atua ko loku Atua ;

Lute 4:15

E fakafiafiai loa e le fanau leinei lou loto, ti e liliu loa a ia ko le tokoi o lou temi matua ; talie na fanaui a ia e lou fugao, leia e alofa kiate koe, ti e mauiga ake kiate koe i ni vosa e toka fitu.

Uluaki tosi a Samuele 14:44

Ti na pati loa Saulo : Ke tautea au e le Atua i lona makeke katoa, mo kapau e leaise ke mate loa, Sonatane !

Uluaki tosi a Samuele 20:13

ke tautea e le Eteleno a Sonatane i lona makeke katoa ! Ti kapau kua loto loku tamana ke fai kiate koe se nea veli, e kau fakasa atu loa a ia kiate koe, ti e kau tuku loa ke ke ano i le tokamalie ; ti ke nofo le Eteleno mo koe, ofaipe lana nofo mo loku tamana !

Uluaki tosi a Samuele 25:22

Ke tautea e le Atua i lona makeke katoa lana tagata fakasausau ko Tavite, mo kapau e kau tuku ke tologa o kaku ki le usu se tasi fua pe ko se nea fua i nea fuli a Napale !

Uluaki tosi a Samuele 3:17

Ti na pati loa a Eli : Kolea le folafola leia na fai atu e le Eteleno kiate koe ? Aua na ke fufu mai kiate au se nea fua e tasi. Ke tautea a koe e le Atua i lona makeke katoa, mo kapau e ke fufu mai kiate au se nea fua e tasi !