Lute 1:14 - Tosi Tapu

¹⁴ Ti na la siki ake loa ki aluga ola leo, o la toe fetagisi leo lasi loa. Na sogi loa Olipa ki lona tinana o poloaki kiate ia, kae na pipiki loa a Lute kia Naomi.

Lute 1:14 Iomraidhean Croise

Senesi 31:28

Na leaise ke fakataga fua ke kau sogi ki oku makopuna mo oku taineliki ! Na ke fai se nea fakavale !

Senesi 31:55

Ti na tuu ake loa Lapane i le usu koi mafoata, o sogi ki ona vosa mo ona taineliki, ti na tapuaki loa a ia kia latou. Ti na mavae loa a ia, o toe liliu ki lona kaiga.

Lua tosi a Samuele 19:39

I le oki o le fakalaka o le kakai katoa i le solotane, ti na fakalaka foki mo le sau, na sogi loa le sau kia Palesilai mo tapuaki kiate ia. Ti na toe liliu loa Palesilai ki lona kaiga.

Uluaki tosi o Sau 19:20

Ti na tuku loa e Eliseo ana pipi, kae na makape loa a ia i muli o Elia, o pati : Tuku mai mua kau ano o sogi ki loku tamana mo loku tinana, ti e kau muli atu loa iate koe. Na tali loa Elia kiate ia : Ano, ti ke toe liliu mai ; talie ke ke manatu ki le nea leia kua kau fai kiate koe.

Taagapati 17:17

E alofa le kaukau nea i temi fuli, Ti i le malaia e fai a ia pe se taina.

Taagapati 18:24

Ko leia e mauke ona kaukau nea e maua ia latou ki lona malaia, Kae e i ai se kaukau nea leia e alofa ake i le taina.

Esaia 14:1

Talie e alofa loa le Eteleno kia Sakopo, E toe filifili loa e ia Iselaele, Ti e toe fakanonofo loa e ia laua i lola fenua ; Ti e fakatasi loa mo laua le kau matapule, Ti e lotou pipiki loa ki le fale o Sakopo.

Sakalia 8:23

Koia e folafola ai le Eteleno o kau tau, o pati : I aso ana, e too loa e ni tagata e tino agafulu mei masau kesekese fuli o atu puleaga se tagata Sutea e toka tasi i le tapatapa o lona kofu, o pati : E motou ano loa mo koe, talie kua motou iloa kua nofo le Atua mo koutou.

Mateo 10:37

Ko leia e alofa ki lona tamana pe ki lona tinana o lasi ake iate au, e leaise gali a ia mo au, ti ko leia e alofa ki lona vosa pe ki lona taine o lasi ake iate au, e leaise gali a ia mo au ;

Mateo 16:24

Na pati loa Sesu ki ana tisipulo : Ko leia e fia muli mai iate au, ke fakafiti a ia kiate ia totonu, ke amo e ia lona koluse, ti ke muli mai a ia iate au.

Mateo 19:22

I lana logo ki folafola ana, na ano loa le tagata tupulaga i le loto mamae ; talie na lasi ai ona koloa.

Gaoi 17:34

Kae na pipiki loa ni iki kiate ia, o lotou tui loa : Na kau loa i ai Tenisio o le Aleopasi, mo se fafine na igoa ko Tamalisi, ti mo ni iki ake.

Tetelonome 10:20

Ke ke i ki le Eteleno, lou Atua. Ke ke su kiate ia. Ke ke pipiki kiate ia toka tasi, ti mo ke fakapapau i lona suafa toka tasi.

Tetelonome 4:4

Kae ko koutou, ala na pipiki loa ki le Eteleno, lokoutou Atua, koi kotou mauli fuli i le aso nei.

Lua tosi kia Timoteo 4:10

talie kua tiaki au e Temasi ; kua alofa a ia ki le malama nei, ti kua ano a ia ki Tesalonika ; ko Kelesenesio ki Kalatia, mo Tito ki Talamasia.

Epelo 10:39

Ko tatou, e leaise tou kau kia latou ala e toe liliu ki muli ke pulinoa, kae e tou kau kia latou ala e maua ia le tui ke saofaki ai olatou laumalie.

Lute 1:13

pe kolua talitali loa ke la lalasi, pe kolua fakafiti loa ke kolua toe avaga mo ni iki ake ? E leai, ei oku fugao ! O tupu ko koulua, kua kau nofo i se mamae lasi talie kua siki le lima o le Eteleno kiate au.

Lute 1:15

Na pati loa Naomi kia Lute : Ko leinei, kua toe liliu loa lou taina ki lona kakai mo ona atua ; ke ke toe liliu, ofaipe lou taina.

Lute 1:7

Na mavae loa a ia i le ganea leia na nofo ai, mo ona fugao, ti na lotou kamata saele loa i le ala ke toe liliu ki le fenua o Suta.

Lute 2:11

Na tali loa Poase kiate ia : Kua fakasa mai kiate au a nea fuli ala na ke fai ki lou tinana, talu mei le mate o lou avaga, ti mo lau tiaki lou tamana mo lou tinana, ti mo le fenua leia na ke tupu ai, kae ke au ki se kakai leia na leaise ke iloa i mua.