Lute 1:12 - Tosi Tapu

¹² Ke kolua toe liliu, ei oku fugao, ke kolua ano ! E leaise koi mafai ke kau avaga talie kua kau matua. Ti kapau e kau pati loa : E kau maua se amanaki malie ; kapau i le po fai leinei e kau momoe loa mo soku avaga ti e kau fanaui loa ni vosa,

Lute 1:12 Iomraidhean Croise

Senesi 17:17

Na fakamapee loa Apalaamo o fakatau ona mata ki le kele ; ti na kata loa a ia, o pati i lona loto : E tupu feaki loa se vosa ki se tagata kua fetuu kau lelau ? Ti e faitoe feaki loa Sala, leia kua fetuu kau iva ?

Senesi 38:11

Ti na pati loa a Suta ki lona fugao ko Tamale : Ko leinei kua ke nofo toka tasi, toe liliu o nofo i le fale o lou tamana, o talitali ke lasi ake loku vosa ko Sela. Na masau felaaki a ia talie na i a ia na toe mate loa lona vosa ko Sela ofaipe ona taokete. Ti na ano loa Tamale o nofo i le fale o lona tamana.

Uluaki tosi kia Timoteo 5:9

Koi ke tosi loa se fafine lokonui ki le tosi o le kau fafine lokonui, mo ka kua fakalaka ona fetuu i le kau ono. Ti tasi e tonu ke avaga tua tasi a ia i mua,

Lute 1:11

Na pati loa Naomi : Kolua toe liliu, ei oku fugao ! Kolea e kolua au ai loa mo au ? Pe koi kau maua loa ni tamaliki i loku manava, ke liliu ko ni okoulua avaga ?

Lute 1:13

pe kolua talitali loa ke la lalasi, pe kolua fakafiti loa ke kolua toe avaga mo ni iki ake ? E leai, ei oku fugao ! O tupu ko koulua, kua kau nofo i se mamae lasi talie kua siki le lima o le Eteleno kiate au.