Luka 7:25 - Tosi Tapu

²⁵ Leai ? Kolea na kotou ano o tio ? pe ko se tagata leia e kofu ki ni kofu mauiga ? Ko latou ala e kofu ki ni kofu mauiga ti mo fimalie, e nofo i fale o sau.

Luka 7:25 Iomraidhean Croise

Lua tosi a Samuele 19:35

Ko loku fetuu kau valu leinei. Pe mafai ke kau iloa le nea e malie mo le nea e veli ? Pe mafai ke iloa e lau tagata fakasausau le malie o nea kai mo nea inu ? Pe koi mafai ke kau logo ki le leo o tagata mo fafine sua ? Ti kolea e liliu ai loa lau tagata fakasausau ko se kavega ki loku aliki le sau ?

Uluaki tosi o Sau 10:5

mo nea kai o lona laupapa, mo le nofoaga o ana tagata fakasausau, mo tuulaga ti mo teu o latou ala na tausi kiate ia, mo ana tagata ala na tokaga ki nea inu, mo ana failaulau ala na momoli e ia i le fale o le Eteleno ; na apele loa lona loto i le ofolele.

Lua tosi o Sau 1:8

Na lotou tali loa kiate ia, ko se tagata na teu ki ni fului manu ti na toi lona vakavaka ki se kilipipi. Ti na pati loa Akasia : Ko Elia, le tagata Tisipe.

Esitele 1:11

Ke aumai ki ona mua le fafine sau ko Vaseti, mo le pala fakasau, o tupu ke fakasa lona fulumalie ki le kakai ti mo le kau lalasi, talie na fulumalie ai a ia.

Esitele 1:3

I le fetuu tolu o lona sau, na fai loa e ia se kai lasi ki aliki fuli o lona puleaga ti mo ana tagata fakasausau ; ti na fakatasi loa a pule o le kau tau o Pelesi mo Meti, mo le kau lalasi ti mo le kau pule fenua fuli, ki ona mua.

Esitele 4:2

ti na ano loa a ia ki le matapa ulu ki le malae o le sau, leia na tapui kia latou fuli ala e kofu ki se taga.

Esitele 5:1

I le tolu o aso na tui loa e Esitele ona teu fakasau ti na ulu loa a ia ki le malae loto o le fale o le sau, i mua o le fale o le sau. Na nofo le sau i lona ekeekeaga fakasau i lona fale, o tautonu mo le matapa ulu.

Esitele 8:15

Na mavae loa Maletoseo i le fale o le sau, mo se kofu fakasau usi mo tea, mo se pala aulo lasi, ti mo se taupulupulu mauiga lanu kula. Na kalaga fakafiafia loa le kolo ko Suse ti mo nekenekea.

Esaia 59:17

Na kofu e ia le faitotonu ofaipe se kofu tau, Ti na teki e ia ki lona ulu le puloga o le fakamauli ; Na too e ia le sausau o kofu, Ti na pulupulu a ia ki le finenonofo.

Mateo 11:8

Kae kolea foki leia na kotou ano o tioi ? pe ko se tagata kua kofu ki ni kofu gigila ? Ko leinei, ko latou ala e kofu ki kofu gigila e nonofo i fale o sau.

Mateo 3:4

Na kofu Soane ki ni fului kamelo, ti na toi e ia se kilipipi i lona sulugalava. Na kai a ia ki ni seseivaka ti mo le meli vao.

Mateo 6:29

Kae e kau pati atu kia koutou ko Salomone foki, i lona kololia katoa, na leaise teuteu ofaipe se tasi ia latou.

Luka 16:19

Na i ai se tagata mou koloa, leia na lava ki ni kie fulumalilie mo mauiga ai, ti na kai nea malilie a ia i aso taki tasi.

Luka 7:24

I le titua o tisipulo a Soane, na masau loa Sesu ki le kakai o uiga mo Soane : Kolea na kotou ano o tioi i le toafa ? pe ko se fa u leia e viligia i le matagi ?

Luka 7:26

Kolea koia na kotou ano o tio ki ai ? pe ko se polofeta ? E io, e kau pati atu kia koutou, e toe lasi ake a ia i le polofeta.