Luka 5:13 - Tosi Tapu

¹³ Na falo loa e Sesu lona lima o fafa kiate ia, o pati : E kau loto ki ai, ke ke mea. I le temi fai lena, na mavae loa le kilia iate ia.

Luka 5:13 Iomraidhean Croise

Senesi 1:3

Na pati loa le Atua : Ke sa le malama ! Ti na sa loa le malama.

Senesi 1:9

Na pati loa le Atua : Ke tanaki a vai i lalo o le lagi ki se ganea e tasi, ti ke sa le kele malo. Ti na soko loa le nea lena.

Lua tosi o Sau 5:10

Na kakau loa e Eliseo ke pati kiate ia : Ano, ti ke uku tua fitu i le Solotane ; e toe malie loa lou tino ti e ke mea loa.

Lua tosi o Sau 5:14

Na ifo loa Naamane, o uku tua fitu i le Solotane, o mulimuli ki le folafola a le tagata a le Atua ; ti na liliu loa lona kili ofaipe se kili o se ga toe memea, ti na mea loa a ia.

Pesalemo 33:9

Talie e pati a ia, ti e soko le nea ; E fakatotonu e ia, ti e tuku a ia.

Esekiele 36:29

E kau saofaki loa koutou i okoutou kelekele fuli. E kau fakamauli loa le fulumeto kia koutou, ti e kotou maua loa ni taukai lalasi ; ti e leaise kau toe aumai loa kia koutou le oge.

Oseo 14:4

E kau fakamauli loa Iselaele i lana agatuu, E kau alofa maoki loa kia latou ; Talie kua maliu loku sausau ia latou.

Mateo 8:3

Na falo loa e Sesu lona lima, o fafa kiate ia, o pati : E kau loto ki ai, ke ke mea. I le lakaga fai lena na mea loa a ia i lona kilia.

Luka 4:39

Na punou loa Sesu ki le fafine, o feau le fiva, ti na mavae loa le fiva iate ia. I le temi fai lena, na tuu loa le fafine ki aluga, o fakasausau kia latou.

Luka 5:12

Na nofo Sesu i se tasi a kolo, ti ko leinei, ko se tagata kua apele i le kilia, i lana tio kia Sesu, na fakapulou loa a ia ki le kele, o fai kiate ia le kole leinei : Aliki, kapau e ke loto ki ai, e feala ke ke fakamea au.

Luka 5:14

Na fakatotonu loa e Sesu ki le tagata : Aua na ke toe masau ki se tasi ki le nea lena. Kae ano o fakasa a koe ki le tagata faisakilifisio, ti mo momoli ki lou fakamea le nea leia na fakatotonu e Moisese, ke liliu le nea lena kia latou ko se fakamaoki.