Luka 23:9 - Tosi Tapu

⁹ Na fai loa e ia ni vesili mauke kia Sesu, kae na leaise tali fua Sesu ki se nea.

Luka 23:9 Iomraidhean Croise

Pesalemo 39:9

Saofaki au i aku agatuu fuli ! Aua na ke tuku au ke kau luma i mua o le tagata valea !

Esaia 53:7

Na fakaveliveli a ia mo fakamamae, Kae na leaise fakamavaa fua e ia lona gutu, Ofaipe se akeno leia e taki ki le fale tamate manu, Se ovi fafine gutu mate i mua o latou ala e koti ia a ia ; Na leaise fakamavaa fua e ia lona gutu.

Mateo 27:12

Kae na leaise tali fua e ia se nea ki fakalakasala a le kau pule faisakilifisio mo le kau fakamatuatua.

Mateo 27:14

Ti na leaise tali loa Sesu ki se masau fua e tasi, ti na ofolele lasi ai le kovana i le nea lena.

Mateo 7:6

Aua na kotou soli a nea tapu ki kuli, ti aua na kotou laku akoutou fuai kasoa ki mua o puaka, talie ke aua na lotou takatakafi loa latou ki olatou vae, ti ke aua na lotou mafuli mai loa, o sae koutou.

Maleko 15:5

Ti na leaise toe tali fua Sesu kiate ia, ti na ofolele ai Pilato i le nea lena.

Luka 13:32

Na pati loa a ia kia latou : Kotou ano o fakasa ki le lenato lena : Ko leinei e kau kapu a temonio mo fakamauli ni iki i le aso nei mo apogipogi, ti e oki loa laku gaoi i le tolu o aso.

Luka 23:10

Na tuu i ai le kau pule faisakilifisio mo le kau sekelipa, ti na lotou fakalakasala veli Sesu.

Soane 19:9

Ti na toe ulu loa a ia ki le peletolio, o pati kia Sesu : Pe ke au meifea ? Kae na leaise toe fai loa e Sesu se tali kiate ia.

Gaoi 8:32

Ko le koga tosi leia o le Tosi tapu na lau e ia ko ia leinei : Na taki a ia ofaipe se ovi fafine ki le fale tamate manu ; Ti, ofaipe se akeno gutu mate i mua o leia e koti ia a ia, Na leaise fakamavaa fua e ia lona gutu.

Uluaki tosi a Petelo 2:23

a ia leia na nukinukii, kae na leaise tali fua a ia ki se nukinuki, ti na fakavelivelii kae na leaise fai e ia se tali fakamakeke, kae na fakalogo fai a ia ki leia e fakamaaui i le faitotonu ;