Luka 23:2 - Tosi Tapu

² Na lotou kamata fakalakasala loa a ia, o pati : Na motou maua le tagata leinei e fakatupu maveuveu ki le kakai, o tapui e ia le totogi o le tukusau kia Sesale, ti na pati a ia ko ia ko Kilisito, ko se sau.

Luka 23:2 Iomraidhean Croise

Uluaki tosi o Sau 18:17

I le tio loa a Akapo kia Elia, na pati loa a ia kiate ia : Pe ko koe leia e fakamaveuveu ia Iselaele ?

Pesalemo 35:11

Kua tuu ki aluga ni kau fakamaoki loi : E lotou vesili kiate au le nea leia e leaise kau iloa.

Pesalemo 62:4

E kaku loa kiafea lakotou oso ki se tagata, Lakoutou afa ke siga a ia ki lalo, Ofaipe se paa e matule, Ofaipe se a leia e maumaui ?

Selemia 20:10

Talie e kau logo ki masau veli a le toka api kiate au : Kua taka le fakaii i potu fuli. Kotou tukugavelii a ia, ti e motou tukugavelii loa a ia ! Kua lamalama au e latou fuli ala na tokamalie mo au pe kau siga, o pati : E siga loa a ia i se temi ti tou tapo loa a ia, Ti e tou pule loa kiate ia, E tou totogi loa kiate ia !

Selemia 38:4

Ti na pati loa le kau pule ki le sau : E tonu ke tamate le tagata leinei ! O tupu e fakalotogaegae e ia a tagata tau ala koi toe i le kolo leinei, mo le kakai katoa, i lana fai kia latou a tau masau ana ; e leaise afa e le tagata leinei le malie o le kakai, kae e loto a ia ki lona malaia.

Amosi 7:10

I le temi lena na fakasa loa e Amatesia, le pelepitelo o Petele, kia Selopoamo, sau o Iselaele : Kua agatuu Amosi kiate koe i loto malie o le fale o Iselaele ; ti e leaise koi mafai ke kataki e le fenua ana masau fuli.

Sakalia 11:8

Na kau kapu loa a tagata tausi ovi e toka tolu i le masina e tasi. Ti na oki a ia, na oki loa le kataki o loku loto kia latou, ti na toe vesia foki olatou loto kiate au.

Mateo 17:27

Kae, o tupu ke aua na lotou siga, ano ki le tai, o ti le matau, ti ke toso mai le uluaki ika leia ka au loa ; fakamavaa lona gutu, ti e ke maua loa se fa setatele. Too a ia, ti ke soli a ia kia latou ma aku mo koe.

Mateo 22:21

Ti na lotou tali loa kiate ia : O Sesale. Ti na pati loa Sesu kia latou : Kotou tuku kia Sesale le nea a Sesale, ti e ki le Atua le nea a le Atua.

Mateo 27:11

Na tuu loa Sesu i mua o Posio Pilato, le kovana. Ti na vesili loa le kovana kiate ia, o pati : pe ko le sau a koe o le kau Sutea ? Na tali loa Sesu kiate ia : Kua ke pati ki ai.

Maleko 12:17

Ti na pati loa a ia kia latou : Kotou liufaki kia Sesale le nea a Sesale, ti kotou liufaki ki le Atua le nea a le Atua. Ti na lotou ofolele ai kiate ia.

Maleko 15:2

Ti na vesili loa Pilato kia Sesu : Pe ko le sau a koe o le kau Sutea ? Ti na tali loa Sesu kiate ia : Kua ke pati ki ai.

Luka 23:14

Kua kotou aumai le tagata leinei kiate au talie na fakamaveuveui e ia le kakai. Ti ko leinei na kau fakavesilii a ia i okoutou mua, ti na leaise kau maua fua iate ia se sala i nea fuli ala na kotou tuku kiate ia ;

Luka 23:5

Kae na lotou fakakinau loa, o pati : E lagai e ia le kakai ki lana akonaki : Na kamata a ia ki Kalilea, o fakalaka i Sutea katoa, o kaku mai ki leinei.

Soane 18:29

Na ulu loa Pilato ki fafo kia latou, o pati : Kolea le nea leia e kotou fakalakasala ai le tagata leinei ?

Soane 18:30

Na lotou tali loa kiate ia : Kanapau na leaise ko se tagata agaveli a ia, na leaise motou aumai loa a ia kiate koe.

Soane 19:12

Talu mei le lakaga lena, na faiga loa Pilato ke fakamauli Sesu. Kae na kalaga le kau Sutea : Kapau e ke fakamauli a ia, ti e leaise ko le kaukau nea a koe o Sesale. Ko leia e pati, ko le sau a ia, e agatuu a ia kia Sesale.

Gaoi 24:13

Ti e leaise mafai ke lotou fakamaoki ki le nea leia e lotou fakalakasala ai au i le aso nei.

Gaoi 24:5

Na motou maua le tagata leinei, leia ko se taumasaki veli, leia e fakatupu ia ni maveuveu i le kau Sutea katoa o le malama nei, leia ko le pule o le magai lotu o le kau Nasaleti,

Loma 13:7

Ke kotou liufaki ki tagata fuli le nea leia e tonu ke maua e ia : le tukusau ki leia e tonu ke kotou ui ki ai, le totogi ki leia e tonu ke kotou totogi ki ai, le i ki leia e tonu ke kotou i ki ai, le fakaapaapa ki leia e tonu ke kotou fakaapaapa ki ai.