Luka 22:2 - Tosi Tapu

² Na afa e le kau faisakilifisio pule mo le kau sekelipa ni puleaki ke tamate Sesu ; kae na lotou i ki le kakai.

Luka 22:2 Iomraidhean Croise

Mateo 12:14

Na ulu loa le kau faliseo ki fafo, ti na lotou fonofono loa ki se puleaki ke tamate ai Sesu.

Mateo 21:38

Kae i le tio a le kau tagata faivite ki le vosa, na lotou pati loa : Ko leinei le vosa leia e tonu ke maua ia le tofiga ; kotou au, tou tamate a ia, kae tou maua loa lona tofiga.

Mateo 26:2

E kotou iloa koi toe fai ni ga aso e lua ki le Pasikate, ti e tuku loa le Vosa o le tagata ke tutuki i le koluse.

Maleko 14:1

Koi toe ni aso e lua ki le aso o le Pasikate mo pane sala fakatupu. Na afa loa e le kau pule faisakilifisio mo le kau sekelipa, ni puleaki ke too ai Sesu, o tamate.

Luka 20:19

Na afa loa e le kau pule faisakilifisio ti mo le kau sekelipa ke too Sesu i le lakaga lena, kae na lotou i loa ki le kakai. Talie na lotou matala loa kua fai e Sesu le folafola fakatata lena kia latou.

Soane 11:57

Talie kua fai e le kau pule faisakilifisio mo le kau faliseo se fakatotonu, kapau e iloa e se tasi le ganea leia e nofo ai a ia, ti ke fakasa e ia, o tupu ke too a ia.

Gaoi 4:27

Talie e maoki na fakatasi Elote, mo Posio Pilato i le kolo leinei, mo atu puleaga, ti mo kakai o Iselaele, o agatuu ki lau tagata fakasausau maokioki ko Sesu, leia na ke fakanofo,