Luka 21:8 - Tosi Tapu

⁸ Na tali loa Sesu : Kotou tokaga na kakaai koutou. Talie e au loa le toka api i loku suafa, o pati : Ko au ko Kilisito, ti, kua ofi mai le temi. Aua na kotou muli ia latou.

Luka 21:8 Iomraidhean Croise

Selemia 29:8

Talie e folafola le Eteleno o kau tau, le Atua o Iselaele : Aua na kotou tuku ke kakai koutou e okoutou kau polofeta ala e nofo ia koutou, mo okoutou kau faikikite. Aua na kotou fakalogo ki okoutou kau moe miti, ala e kotou fakatupu alatou moe miti !

Mateo 24:11

E mafuta loa se kau polofeta loi toka api, ti e lotou fakasesei loa ni kakai toka api ai.

Mateo 3:2

Na pati a ia : Kotou fakasemala, talie kua ofi mai le Puleaga o le atu lagi.

Mateo 4:17

Na kamata loa mei ai le akonaki a Sesu, ti na pati loa a ia : Kotou fakasemala talie kua ofi mai le Puleaga o Selo.

Luka 17:23

E nofo a ia i leinei, e nofo a ia i lena. Aua na kotou ano ki ai, ti aua na kotou makape i muli.

Luka 21:7

Na lotou vesili loa kiate ia : Pule, ko le temi fea leia e soko ai loa le nea lena, ti kolea le fakamailoga leia e iloa ai loa ka soko a nea ana ?

Luka 21:9

Ka kotou logo loa e masau ki ni tau mo ni maveuveu, aua na kotou i, talie e tonu ke soko a nea ana i mua. Kae e leaise ko le fakaoki loa a ia.

Soane 5:43

Na kau au i le suafa o loku Tamana, ti na leaise kotou tali au : Kapau e au se tasi i lona igoa totonu, e kotou tali loa a ia.

Soane 8:24

Koia leia e kau pati atu ai kia koutou e kotou mamate loa i akoutou agasala ; talie kapau e leaise kotou tui pe ko ai au, ti e kotou mamate loa i akoutou agasala.

Soane 8:28

Ti na pati loa Sesu kia latou : Ka oki loa lakotou fakatuu ki aluga le Vosa o le tagata, ti e kotou iloa loa ko ai au, ti e leaise kau fai fua se nea iate au totonu, kae e kau masau o mulimuli ki le nea leia na ako mai kiate au e le Tamana.

Uluaki tosi ki le kau Kolinto 6:9

Pe leaise kotou iloa e leaise maua loa le puleaga o le Atua e le kau lee agatonu ? Aua na kotou fai sala i le nea lena : Ko le kau fai feauaki, mo le kau tausi taulaatua, mo le kau tono,

Efeso 5:6

Ke aua na kakai koutou e se tasi ki ni masau vaiga ; talie ko nea ana na tupu ai le ifo o le sausau o le Atua ki fanau patigataa.

Lua tosi ki le kau Tesalonika 2:3

Ke aua na kakai koutou e se tasi i se nea fua ; talie e tonu ke soko le aposetasia i mua ti ke fakasa le tagata o le agasala, ko le vosa o le malaia,

Lua tosi kia Timoteo 3:13

Kae ko tagata agaveli mo fakasala e asilisili veli loa mo asilisili sese loa, a latou totonu mo latou ala na lotou kakaai.

Uluaki tosi a Soane 4:1

Alofaaga, aua na kotou tui ki laumalie fuli ; kae kotou asiasii latou, ke iloa pe lotou au mei le Atua, talie kua api le kau polofeta loi kua taka i le malama nei.

Lua tosi a Soane 1:7

Talie kua ulu mai ki le malama nei ni tagata toka api, ti e leaise lotou fakasa ia kua au Sesu-Kilisito i se tino fakatagata ; ko leia e felaaki ko le tagata a ia, ti ko le atekilisito.

Apokalipisi 1:3

Manuia leia e lau ia le tosi ti mo latou ala e fakalogo ki folafola o le folafola kikite, ti mo fai ia a nea fuli ala e tosi i ai ! Talie kua ofi le temi.

Apokalipisi 12:9

Ti na ti loa ki fafo le gata lasi, le gata afea, leia na igoa ko Tiapolo mo Satana, leia na kakaai ia le malama nei katoa. Ti na ti loa a ia ki le kele, ti na ti foki ana kau aselo mo ia ki le kele.