Luka 21:12 - Tosi Tapu

¹² Kae, i mua o nea fuli ana, e too loa koutou, ti e fakavelivelii loa koutou ; e ave loa koutou ki ni sinakoka, e laku loa koutou ki ni pilisoni, e ave loa koutou ki mua o ni sau mo ni kovana o tupu ko loku suafa.

Luka 21:12 Iomraidhean Croise

Mateo 22:6

ti na too loa e iki ni tagata fakasausau, o fakavelivelii mo tamate latou.

Mateo 24:8

Ko nea fuli ana ko le kamataaga a ia o mamae.

Luka 21:11

e soko loa ni mafuike lalasi, mo ni oge, ti mo ni taumasaki lalasi, i potu kesekese ; ti e sa loa mei le lagi ni nea fakaii ti mo ni fakamailoga lalasi.

Soane 15:20

Kotou manatui le folafola leia na kau fakasa atu kia koutou : E leaise lasi ake le tagata fakasausau i lona pule. Kapau na lotou fakavelivelii au, ti e lotou toe fakavelivelii foki mo koutou ; kapau na lotou fai laku folafola, ti e lotou toe fai foki lakoutou folafola.

Soane 15:21

Kae e lotou fai loa kia koutou a nea fuli ana o tupu ko loku suafa, talie e leaise lotou iloa leia na kakau ia mai au.

Gaoi 22:30

I leia ake a aso, i lona loto ke iloa totonu le tupuaga o le tukugavelii o Paulo e le kau Sutea, na fakatotonu loa e le pule lasi ke tatala ona sai, ti ke fakatasi le kau pule faisakilifisio mo le fono lasi katoa ; ti na fakaifo mai loa e ia Paulo, o fakatuu i lotomalie o latou.

Gaoi 5:40

Ti na lotou loto tasi loa mo ia. Ti na lotou kalagai loa le kau apositolo, o fakatotonu ke sasa latou ki ni laakau, ti na lotou tapui loa kia latou le masau i le suafa o Sesu, ti na lotou tuku ake loa latou.

Gaoi 8:3

Kae na maumaui e Saulo le Ekelesia ; na ulu a ia ki fale fuli, o toso a tagata mo fafine, o fakaulu ki le fale pilisoni.

Gaoi 9:4

Na vilo loa a ia ki lalo, ti na logo loa a ia ki se leo leia e pati mai kiate ia : Saulo, Saulo, kolea e ke fakavelivelii ai au ?

Uluaki tosi a Petelo 2:13

Ke kotou fakataulalo, o tupu ko le Aliki, ki pule fuli ala kua fakanofo i lotolotoga o tagata : ki le sau ofaipe leia e lasi,

Apokalipisi 2:10

Aua na ke i ki le nea leia e ke mamae ai loa. Ko leinei, e ti loa e le Tiapolo ni iki o koutou ki le pilisoni, o tupu ke asiasii ai koutou, ti e kotou maua loa se mamae i aso e kau agafulu. Ke ke agatonu o kaku ki le mate, ti e kau soli loa kiate koe le pala o le mauli.