Luka 21:1 - Tosi Tapu

¹ Na siki ake loa a mata o Sesu, o tio ki le velo e le kau mou koloa alatou moliga ki le kisi o moliga.

Luka 21:1 Iomraidhean Croise

Uluaki tosi o Sau 14:26

Na too loa e ia a koloa o le fale o le Eteleno ti mo koloa o le fale o le sau, na too loa e ia a nea fuli. Na too loa e ia a paletau aulo fuli ala na fai e Salomone.

Lua tosi o Sau 12:9

Ti na too loa e le tagata faisakilifisio ko Seosata se fa pusa, o puui lona tapono, ti na fakatuu loa e ia a ia i tafa o le aletale, i le fetuu atamai, i le ganea leia e ulu ai ki le fale o le Eteleno. Ti na tuku loa ki ai e le kau tagata faisakilifisio ala na tausi ki le matapa le paaga katoa leia na aumai ki le fale o le Eteleno.

Lua tosi o Sau 24:13

Na too loa e ia a koloa fuli o le fale o le Eteleno mo koloa o le fale o le sau ; ti na maumaui loa e ia a nea aulo fuli na fai e Salomone, sau o Iselaele, ki le fale tapu o le Eteleno, o mulimuli ki le nea leia na fakasa e le Eteleno.

Lua tosi o Koloniko 36:18

Na ave loa e Nepukatenesale ki Papilone a nea gaoi fuli o le fale tapu o le Atua, a nea lalasi mo nea liliki, mo koloa o le fale o le Eteleno, ti mo koloa o le sau mo ana kau pule.

Neemia 13:13

Na kau tuku loa kia Selemia, le tagata faisakilifisio, mo Satoke, le sekelipa, ti mo Petasa, ko se tasi o le kau Levi, ke lotou leoleo ki fale koloa, ti na kau tuku loa ke tokoi kia latou a Anane, vosa o Sakule, vosa o Matania, talie kua iloa latou ko ni tagata agatonu. Na lotou tokaga loa ki le vaevae o koloa ki olatou fetaina.

Mateo 27:6

Na tae loa e le kau pule faisakilifisio le paaga, o pati : E leaise taga ke tuku le paaga leinei ki le koloa tapu, talie ko le totogi a ia o le toto.

Luka 20:47

e lotou too fakamakeke a nea fuli o fafine lokonui, ti e lotou fai ni kole loloa ke lotou fakamata malie ai ki tafa. E mamafa ake loa lolatou fakamaaui.

Soane 8:20

Na fakasa loa e Sesu a folafola ana, i lana akonaki i le fale tapu, i le ganea leia na tanaki ai a koloa, ti na leaise too loa a ia e se tasi, talie na leikiaise soko lona ola.

Sosue 6:19

Ke fakatapui loa le paaga katoa, mo le aulo katoa, mo nea fuli e fau ki le kapa mo le ukamea ki le Eteleno, ti e tuku loa a nea ana ki le koloa o le Eteleno.

Sosue 6:24

Na lotou tutu loa le kolo mo nea fuli na maua i ai, kae na lotou tuku loa le siliva, mo le aulo, ti mo nea fuli na fau ki le kapa mo le ukamea ki le koloa o le fale o le Eteleno.