Luka 20:1 - Tosi Tapu

¹ I se aso o aso ana, na akonaki Sesu ki le kakai i le fale tapu, o fakasa le logo malie, kae na au loa kiate ia le kau pule faisakilifisio ti mo le kau sekelipa, ti mo le kau fakamatuatua,

Luka 20:1 Iomraidhean Croise

Mateo 26:55

I le temi lena, na pati loa Sesu ki le kakai : Kua kotou au kiate au ofaipe se tagata agaveli, mo ni seleta ti mo ni laakau, ke kotou too fakamakeke au. Na kau tonatona i aso fuli i lotolotoga o koutou, o akonaki i le fale tapu, ti na leaise kotou too fua au.

Luka 20:2

ti na lotou pati loa kiate ia : Fakasa mai kia matou pe ko le pule fea leia e ke fai ai a nea ana, pe ko ai leia na soli atu ia kiate koe le pule lena ?

Luka 8:1

Ti na sili a ia, na ano loa Sesu ki kolo lalasi mo kolo liliki, o akonaki le folafola ti mo fakasa le logo malie o le Puleaga o le Atua.

Soane 18:20

Na tali loa Sesu kiate ia : Na kau masau fakalauatea ki le malama nei ; na kau akonaki tuumau i le sinakoka ti mo le fale tapu, leia na fakatasi ai le kau Sutea katoa, ti na leaise kau pati fakafufu ki se nea.

Gaoi 4:1

Koi lolotoga masau Petelo mo Soane ki le kakai, kae na feoso ake loa le kau tagata faisakilifisio mo le pule o le fale tapu, ti mo le kau Satuseo,

Gaoi 6:12

Ti na lotou lagai loa le kakai, mo le kau fakamatuatua, mo le kau Sekelipa, ke lotou feoso o too fakamakeke a ia, o ave ki le fono lasi.