Luka 16:2 - Tosi Tapu

² Na kalagai loa e le pule lana tagata taupau koloa, o pati kiate ia : Kolea leia e kau logo ki ai o uiga mo koe ? Fakamatala mai kiate au lau taupau, talie e leaise ke toe taupau loa oku koloa.

Luka 16:2 Iomraidhean Croise

Ekelesiasi 12:14

Koia ei loku vosa, ke ke ako mei nea ana ; e leaise toe oki loa, mo kapau e loto ke fai se tuuga tosi, ti e fakatupu gaegae ki le tino le ako lasi.

Mateo 12:36

E kau pati atu kia koutou : I le aso o le fakamaau, e tio loa a tagata ki fua o masau vaiga fuli ala na lotou fai.

Mateo 20:8

I le afiafi, na pati loa le pule o le vite ki lana tagata pule koloa : Kalagai le kau gaoi, ti ke totogi latou, o kamata meia latou ala na muli o fai kia latou ala na mua.

Luka 12:20

Kae e pati le Atua kiate ia : Ko le vale a koe ! I le po fai leinei e toe afa atu loa kiate koe lou laumalie ; ti ko nea fuli ala na ke teuteui, pe a ai loa latou ?

Luka 12:42

Ti na pati loa le Aliki : Ko ai loa le tagata taupau koloa agatonu mo poto leia e fakanofo loa e lona pule ke tokaga ki ana tagata gaoi, ti ke soli kia latou le nea kai leia e aoga i lona temi ?

Luka 16:1

Na pati loa Sesu ki ana tisipulo : Na maua e se tagata mou koloa sana tagata taupau koloa, leia na fakasa loa kiate ia kua maumaui e ia ona koloa.

Luka 16:3

Na pati loa le tagata taupau koloa i lona loto : Kolea e kau fai loa, talie kua too e loku pule loku tulaga ? Gaoi ki le kele ? E leaise kau mafai a ia. Kaiisi ? E kau luma.

Loma 14:12

Koia e fakamatala loa e le tagata taki tasi ki le Atua o uiga mo ia totonu.

Uluaki tosi ki le kau Kolinto 1:11

Talie, ei oku fetaina, kua kau logo o uiga mo koutou, mei ni iki o le fale o Koloe, e maua ni veliveli ia koutou.

Uluaki tosi ki le kau Kolinto 4:2

Ti ko le nea foki leia e kole ki ni tagata tausi koloa, ke lotou tasi agatonu i lana gaoi.

Uluaki tosi ki le kau Kolinto 4:5

Koia ke aua na kotou fakamaaui ai se nea i mua o le aso, o kaku ki le au o le Aliki, leia e fakasa ia loa ki le malama le nea leia e munia i le fakapouli, ti mo manatu o loto. Ti e tali loa e le tagata taki toka tasi le fakavikiviki mei le Atua.

Lua tosi ki le kau Kolinto 5:10

Talie e tonu ke tou tutuu fuli i mua o le fakamaauaga a Kilisito, o tupu ke tali e le tagata taki toka tasi o mulimuli ki le malie mo le veli leia na fai i le tino.

Uluaki tosi kia Timoteo 4:14

Aua na ke tuku noa le nea alofa leia iate koe, leia na soli atu kiate koe i se kikite i le teki o lima o le kau fakamatuatua.

Uluaki tosi kia Timoteo 5:24

Kua sa malie a agasala a iki tagata i mua, kae e leikiaise fakamaaui latou, kae ko agasala a iki ake koi sa loa latou ki muli.

Uluaki tosi a Petelo 4:10

Ofaipe ni tagata taupau koloa malie o kalasia kesekese o le Atua, ke kotou tasi fakaaoga kia koutou le nea alofa leia kua kotou maua.

Uluaki tosi a Petelo 4:5

Kae e tonu loa ke lotou fakasa i se aso alatou gaoi ki leia kua teuteu ke fakamaau ia le kau mauli mo le kau mate.

Apokalipisi 20:12

Ti na kau tio loa ki le kau mate, lalasi mo liliki, na tuu i mua o le ekeekeaga fakasau. Ti na fakamavaa loa ni tosi. Ti na fakamavaa loa mo se tasi ake a tosi, leia ko le tosi o le mauli. Ti na fakamaaui loa le kau mate o mulimuli ki alatou gaoi, ofai ki le nea leia e tuu i tosi ana.