Luka 13:13 - Tosi Tapu

¹³ Ti na teki loa e ia ona lima ki le fafine. I le temi fai lena na tuu fakasako loa le fafine, o fakafetai ki le Atua.

Luka 13:13 Iomraidhean Croise

Mateo 9:8

I le tio a le kakai ki le nea lena, na lotou ofolele ai, ti na lotou fakakololia loa ki le Atua, leia kua soli ia ki tagata se pule fenaaki.

Maleko 16:18

e lotou too loa ni gata ; ti kapau e lotou inu ni nea inu mateia, e leaise soko loa se veli kia latou ; e lotou teki loa olatou lima ki le kau masaki, ti e mauli loa le kau masaki.

Maleko 5:23

o fai kiate ia le kole makeke leinei : Kua vave mate fua loku taine ; au, o teki kiate ia ou lima, o tupu ke ke fakamauli a ia, ti e mauli loa a ia.

Maleko 6:5

Na leaise mafai loa ke fai e ia i ai se milakulo e tasi, kae na teki fua e ia ona lima ki ni iki masaki, o fakamauli latou.

Maleko 8:25

Na toe teki loa e Sesu ona lima ki ona mata ; ti na tio fakamaumau loa le kivi, ti na mauli loa a ia, o tio malie ki nea fuli.

Luka 13:12

I le tio a Sesu ki le fafine, na kalagai loa e ia a ia, o pati kiate ia : Fafine kua fakamauli a koe i lou maimoa.

Luka 18:43

I le temi fai lena, na tio loa a ia, ti na muli loa a ia ia Sesu, o fakakololia ki le Atua. I le tio a le kakai katoa ki le nea lena, na lotou fakavikiviki loa ki le Atua.

Luka 4:40

I le galo o le laa, ko latou fuli ala na maua ia ni masaki i masaki kesekese, na taki mai loa latou kia Sesu. Na teki loa e Sesu ona lima kia latou taki toka tasi, ti na fakamauli loa e ia latou.

Gaoi 9:17

Ti na ano loa Ananiasi ; ti i lana kaku loa ki le fale, na teki loa e ia ona lima kia Saulo, o pati : Saulo, loku taina, ko le Aliki Sesu, leia na sa kiate koe i le ala leia na ke au ai, na kakau ia mai au, o tupu ke toe tio ou mata ti ke ke apele i le Laumalie Maokioki.