Luka 10:6 - Tosi Tapu

⁶ Kapau e nofo i ai se tagata o le tokamalie, ti e nofo loa lokotou tokamalie iate ia ; ti kapau e leai, ti e toe liliu mai loa a ia kia koutou.

Luka 10:6 Iomraidhean Croise

Pesalemo 35:13

Kae ko au, i le aso leia na lotou masaki ai, na kau kofu se taga, Na kau fakamamae loku laumalie i le sesunio, Na kau peluki loku ulu ki loku fatafata, ti na kau faikole.

Esaia 9:6

E fakamafola loa e ia lana pule ki atu puleaga, E tuku loa e ia le tokamalie lee gato ki le ekeekeaga fakasau o Tavite, mo lona puleaga, Ti e fakamakeke loa e ia a ia ti mo poupou a ia ki le lao mo le faitotonu, I le temi nei o lee gato : Ko lena le nea e fai loa e le Eteleno o kau tau i lona alofa lasi.

Luka 10:5

I fale ala e kotou ulu ki ai, kotou pati mua : Ke nofo le tokamalie i le fale leinei !

Luka 10:7

Kotou nonofo loa i le fale lena, o kai mo inu le nea leia e soli atu loa kia koutou, talie e tonu ke maua e le tagata gaoi lona totogi. Aua na kotou fesikiaki mei leia a fale ki leia a fale.

Efeso 5:6

Ke aua na kakai koutou e se tasi ki ni masau vaiga ; talie ko nea ana na tupu ai le ifo o le sausau o le Atua ki fanau patigataa.

Lua tosi ki le kau Tesalonika 3:16

Ke alofa le Aliki o le tokamalie o soli totonu kia koutou le tokamalie i temi fuli, i nea fuli ! Ke nofo le Aliki mo koutou fuli !

Sakopo 3:18

Talie e muluki le fua o le faitotonu i le tokamalie e latou ala e afa ia le tokamalie.

Uluaki tosi a Petelo 1:14

Ofaipe ni fanau patigaofie, ke aua na kotou fakatatau koutou ki oli ala na kotou maua i mua, i le temi leia na kotou nonofo ai i le fakapouli.

Uluaki tosi a Samuele 25:17

Ko leinei, ke ke iloa le nea lena, ti ke ke tio pe kolea le nea leia e tonu ke fai, talie kua fakapapau le maumaui o lomatou pule mo lona fale katoa, ti kua lasi ai lona agaveli, ku se toa ke toe masau kiate ia.