Luka 10:2 - Tosi Tapu

² Ti na pati loa a ia kia latou : E lasi ai le fuata, kae e toka lavaki fua le kau gaoi. Koia kotou kole ai ki le pule o le fuata ke kakau ni tagata gaoi ki lana fuata.

Luka 10:2 Iomraidhean Croise

Uluaki tosi o Sau 18:22

Ti na pati loa Elia ki le kakai : Ko au toka tasi na toe i le kau polofeta a le Eteleno, kae ko tino lelau e fa mo le tino lima le kau polofeta a Paale.

Pesalemo 68:11

Na fakatuu loa lou kakai lona nofoaga i le fenua Leia na ke teuteu, ei Atua, i lou agamalie ki le kau mativa.

Selemia 3:15

E kau soli loa kia koutou ni tagata tausi manu o mulimuli ki loku loto, Ti e lotou fagai loa koutou i le poto mo le iloa.

Sakalia 11:17

Malaia ki le tagata tausi manu veli, leia e tiaki ia lana kau ovi ! Ke oso le seleta ki lona lima ti mo lona fa mata atamai ! Ke malo lona lima, Ti ke kivi lona fa mata atamai !

Sakalia 11:5

Ko latou ala e totogi ia latou e tamate fakavalevale ia latou, Ko leia e fakatau ia latou e pati : Ke fakafetai ki le Eteleno, talie kua kau mou koloa ! Ti e leaise saofaki latou e olatou tagata tausi manu.

Numelo 11:17

E kau ifo mai loa, ti e kau masau loa kiate koe i lena. E kau too ia loa se potu o le laumalie leia e nofo iate koe, o tuku kia latou, ke lotou amo mo koe le kavega o le kakai, ti ke aua na ke amo toka tasi a ia.

Numelo 11:29

Na tali loa Moisese kiate ia : Pe ke finenonofo o tupu ko au ? E fakaamu ake ke liliu le kakai fuli o le Eteleno ko ni polofeta, ti ke finegalo malie le Eteleno o tuku lona Laumalie kia latou !

Mateo 20:1

Talie e fakatatau le puleaga o le atu lagi ki se tagata pule kaiga leia na usuusu o afa ni tagata gaoi ki lana vite.

Maleko 13:34

E fai loa pe se tagata leia ka folau e tuku ia lona fale. E tuku e ia le pule ki ana tagata fakasausau, o fakailoilo ki le tagata taki toka tasi lana gaoi, ti fakatotonu ki le tagata taupau matapa ke leo.

Maleko 16:15

Ti na pati loa a ia kia latou : Kotou ano i le malama nei katoa, ti kotou fakamafola le logo malie ki tagata fuli.

Maleko 16:20

Ti na ano loa ana tisipulo o akonaki i potu fuli. Na gaoi le Aliki mo latou, ti na fakamaoki e ia le folafola ki ni milakulo na soko.

Luka 9:1

Na fakatasi loa e Sesu le tino agafulu tupu lua, ti na soli loa e ia kia latou le makeke mo le pule ki temonio fuli, ti mo le makeke ke fakamauli ai a masaki.

Gaoi 11:19

Ko latou ala na mavetevete o tupu ko le fakaveliveli leia na soko ia Setefano, na ano loa o kaku ki Fenisia, mo le motu ko Sipele, ti mo Atiokia, o fakasa le folafola ki le kau Sutea tefua.

Gaoi 13:2

I le lolotoga o lalatou tausi ki le Aliki i lalatou gaoi ki le folafola ti mo le sesunio, na pati loa le Laumalie Maokioki : Kotou vaei kese kiate au a Palenapa mo Saulo ki le gaoi leia kua kau kalagai laua ki ai.

Gaoi 13:4

Ko Palenapa mo Saulo, ala na kakau e le Laumalie Maokioki, na ifo loa ki Selesia, ti na la sopo loa i ai ki se vaka, o ano ki le motu ko Sipele.

Gaoi 20:28

Koia kotou tokaga ai kia koutou totonu, ti mo le kau ovi katoa leia kua fakanofo koutou ki ai e le Laumalie Maokioki ko epikopo, ke fagai ia le Ekelesia o le Atua, leia kua totogi e ia ki lona toto totonu.

Gaoi 22:21

Ti na pati mai loa le Aliki kiate au : Ano, e kau kakau loa a koe ki mamao ki atu puleaga…

Gaoi 8:4

Ko latou ala na fakamavetevete, na ano loa ki potu fuli, o fakasa le logo malie o le folafola.

Uluaki tosi ki le kau Kolinto 12:28

Ti kua fakanofo e le Atua i le Ekelesia, ko le uluaki ko le kau apositolo, ko le lua ko le kau polofeta, ko le tolu ko le kau fai akonaki, ti sosolo ai mai latou ala e maua ia le nea alofa o milakulo, ti mo latou ala e maua ia a nea alofa ke fakamauli ai a masaki, ke tokoi, ke lagiaki, ke masau ki masau kesekese.

Uluaki tosi ki le kau Kolinto 15:10

Kae i le kalasia o le Atua, kua kau liliu o feneeki, ti na leaise ano noa lona kalasia kiate au ; mamao ai, na kau gaoi lasi ake ia latou fuli, kae na leaise ko au toka tasi, kae ko le kalasia o le Atua iate au.

Lua tosi ki le kau Kolinto 6:1

Talie e ma kaukau gaoi mo le Atua, e ma fakakolekole foki kia koutou ke aua na kotou tuku ke to noa le kalasia o le Atua.

Filipe 2:21

talie e lotou afa fuli a nea ala e aoga kia latou, kae leai a nea ala e aoga kia Sesu-Kilisito.

Filipe 2:25

Na kau manatu e aoga ke kakau atu kia koutou loku taina ko Epafolotito, loku kaukau soa i le gaoi ti mo le tau, leia kua kotou fakakaku mai ai kiate au le tokoi leia na aoga kiate au.

Filipe 2:30

Talie ko le gaoi kia Kilisito leia na tupu ai lana ofi ki le mate, o leaise mamae a ia ki lona mauli, o tupu ke fetogi e ia koutou i le tokoi leia na leaise mafai ke kotou aumai kiate au.

Kolose 1:29

Ko le nea lena e kau gaoi foki ki ai, o tau i lona makeke leia e gaoi makeke iate au.

Kolose 4:12

Ko Epafalasi, leia ko se tasi o koutou, e fakaalofa atu kia koutou ; ko le tagata fakasausau a ia a Sesu-Kilisito, e leaise toe gato lana tau kia koutou i ana faikole, o tupu ke kotou tuu makeke ofaipe ni tagata kua katoa, o nofo fakalogo ki le fai o le finegalo katoa o le Atua.

Uluaki tosi ki le kau Tesalonika 2:9

Ke kotou manatui, fetaina, lamatou gaoi ti mo lomatou pakia : I le po mo le ao na motou gaoi o tupu ke aua na motou liliu ko se kavega ki se tasi ia koutou, i le temi leia na motou fakasa atu ai kia koutou le Evaselio o le Atua.

Uluaki tosi ki le kau Tesalonika 5:12

E motou kole atu kia koutou, fetaina, kotou fakaapaapa kia latou ala e gaoi kia koutou, mo takitaki ia koutou i le Aliki, ti mo ako ia koutou.

Lua tosi ki le kau Tesalonika 3:1

Fakaoki loa, fetaina, kotou ulufaki matou, o tupu ke mafola le folafola a le Aliki, ti ke fakakololiai a ia, ofaipe lona fai ia koutou,

Uluaki tosi kia Timoteo 4:10

Koia e tou gaoi, ti e tou tau, talie e tou tuku latatou amanaki malie ki le Atua mauli, leia ko le Fakamauli o tagata fuli, kae tafito le kau tui.

Lua tosi kia Timoteo 4:5

Kae ko koe, fakapotopoto i nea fuli, kataki a mamae, fai le gaoi a se evaselisita, fai ke katoa malie lau gaoi.

Filemo 1:1

Ko au Paulo, ko le tagata pilisoni a Sesu-Kilisito, ti mo le taina ko Timoteo, kia Filemo, ko loma alofaaga mo loma kaukau nea i le gaoi,

Epelo 3:6

kae ko Kilisito, e agatonu a ia ofaipe le Vosa i lona fale totonu ; ti ko lona fale ko tatou, mo kapau e tou kukumi mau le tui makeke mo le amanaki malie o le kololia o kaku ki le fakaoki.

Apokalipisi 2:1

Tosi ki le aselo o le Ekelesia o Efeso : Ko leinei le nea leia e pati ki ai leia e too ia a fetuu e fitu i lona lima atamai, leia e saele i loto malie o tekiaga malama aulo e fitu :