Luka 1:7 - Tosi Tapu

⁷ Na leai sa la fanau, talie na paa Elisapeta ; ti kua la matutua toka lua foki.

Luka 1:7 Iomraidhean Croise

Senesi 17:17

Na fakamapee loa Apalaamo o fakatau ona mata ki le kele ; ti na kata loa a ia, o pati i lona loto : E tupu feaki loa se vosa ki se tagata kua fetuu kau lelau ? Ti e faitoe feaki loa Sala, leia kua fetuu kau iva ?

Senesi 18:11

Na matutua Apalaamo mo Sala ti na lasi ai ola fetuu ; ti na leaise feala ke amanaki Sala e toe maua loa e ia ni fanau.

Senesi 25:21

Na faikole loa Isaake ki le Eteleno o tupu ko lana avaga, talie na paa a ia. Ti na tali loa e le Eteleno lana kole, ti na tinae loa lana avaga ko Lepeka.

Senesi 30:1

Na tio loa Lasele na leaise maua e ia ni fanau kia Sakopo, ti na finenonofo loa a ia ki lona taina, o pati loa a ia kia Sakopo : Soli mai kiate au ni fanau, pe kau mate !

Uluaki tosi o Sau 1:1

Kua matua le sau ko Tavite, ti kua mauke ai ona fetuu ; na fakatui ni kofu kiate ia, kae na leaise mafanaia a ia.

Lua tosi o Sau 4:14

Ti na pati loa Eliseo kia Keasi : Kolea loa le nea ke fai kiate ia ? Na tali loa Keasi : E leai sana fanau ti kua matua lona avaga.

Luka 1:5

I le temi o Elote, sau o Sutea, na i ai se tagata faisakilifisio, na igoa ko Sakalia, mei le kalasi o Apia ; ti na au lana avaga mei taineliki o Alone, ti na igoa a ia ko Elisapeta.

Luka 1:6

Na la agatonu toka lua i mua o le Atua, o tausi malie a lao fuli mo fakatotonu fuli a le Aliki.

Luka 1:8

Kae i le lolotoga o lana fai ona maua i mua o le Atua, o mulimuli ki le lakaga o lona kalasi, na vilo loa le filifili kiate ia,

Loma 4:19

Ti na leaise toe gaegae a ia i le tui, na leaise tio a ia kua veli lona tino, talie kua ofi a ia ki le fetuu kau lelau, ti na leaise mafai ke faitoe a Sala.

Epelo 11:11

Ko le tui leia na mafai ai e Sala, logo ai kua finematua, ke fanaui se sakoga, talie na tui a ia ki le agatonu o leia na fai ia le fakapapau.

Uluaki tosi a Samuele 1:2

Na toka lua ona avaga, na igoa le tasi ko Ana, ti ko le tasi ko Penina ; ti na i ai ni fanau a Penina, kae na leai se fanau a Ana.