Luka 1:36 - Tosi Tapu

³⁶ Ko leinei, kua tinae foki Elisapeta, lou kaiga, ko se toe tama, kae kua finematua : ti ko leia na pati e paa kua nofo a ia i lona masina ono.

Luka 1:36 Iomraidhean Croise

Senesi 11:30

Na paa Salai ; na leaise maua sana fanau.

Senesi 16:1

Ko Salai, le avaga o Apalamo, na leaise soli ia se fanau kia Apalamo. Kae na i ai sana fafine fakasausau Esipito, na igoa ko Akale.

Senesi 18:11

Na matutua Apalaamo mo Sala ti na lasi ai ola fetuu ; ti na leaise feala ke amanaki Sala e toe maua loa e ia ni fanau.

Senesi 21:2

Na tinae loa a Sala, ti na fanaui loa e ia se vosa kia Apalaamo i lona temi matua, i le temi totonu leia na fakasa e le Atua kiate ia.

Lua tosi o Sau 4:17

Na tinae loa le fafine ti na fanaui loa e ia se tama i le temi totonu lena, i leia ake fetuu, ofai ki le nea leia na fakasa e Eliseo kiate ia.

Ekelesiasi 3:2

Se temi ke tupu ai, mo se temi ke mate ai, mo se temi ke to ai, ti mo se temi ke taaki ai le nea leia kua to ;

Luka 1:35

Na tali loa le aselo kiate ia : E au loa le Laumalie Maokioki kiate koe, ti e fakamalumalu loa a koe e le mafimafi o le Taualuga. Koia e fakaigoa ai loa le fanau maokioki leia e tupu loa meiate koe ko le Alo o le Atua.

Luka 1:37

Talie e leaise faigataa se nea ki le Atua.

Luka 1:5

I le temi o Elote, sau o Sutea, na i ai se tagata faisakilifisio, na igoa ko Sakalia, mei le kalasi o Apia ; ti na au lana avaga mei taineliki o Alone, ti na igoa a ia ko Elisapeta.

Epelo 11:11

Ko le tui leia na mafai ai e Sala, logo ai kua finematua, ke fanaui se sakoga, talie na tui a ia ki le agatonu o leia na fai ia le fakapapau.