Luka 1:2 - Tosi Tapu

² o mulimuli ki le nea leia na tuku mai kia matou e latou ala na tio mata ki ai, ti kua liliu ko ni tagata fakasausau ki le folafola, talu mei le kamataaga ;

Luka 1:2 Iomraidhean Croise

Maleko 1:1

Kamataaga o le Evaselio o Sesu-Kilisito, Alo o le Atua.

Maleko 16:20

Ti na ano loa ana tisipulo o akonaki i potu fuli. Na gaoi le Aliki mo latou, ti na fakamaoki e ia le folafola ki ni milakulo na soko.

Maleko 4:14

Ko le tagata muluki fakaili e muluki ia le folafola.

Luka 24:48

Ko kau tagata fakamaoki koutou o nea ana.

Soane 15:27

ti ko koutou foki, e kotou fakamaoki loa kiate au, talie na kotou nonofo mo au talu mei le kamataaga.

Soane 16:4

Kae kua kau fakasa a nea ana kia koutou, o tupu, ka soko mai loa le ola, ke kotou manatui na kau fakasa atu latou kia koutou. Na leaise kau fakasa atu latou kia koutou i le kamataaga, talie na kau nofo mo koutou.

Gaoi 1:3

I le oki o lona mate, na sa mauli loa a ia kia latou, o tuku kia latou ni fakamaoki lasi ai e mauli a ia : I le lolotoga o aso e kau fa, na tau sa loa a ia kia latou, o masau ki nea o uiga mo le Puleaga o le Atua.

Gaoi 1:8

Kae e kotou tali loa se makeke, le Laumalie Maokioki, ti e kotou liliu loa ko aku tagata fakamaoki i Selusalemi, mo Sutea katoa, mo Samalia o kaku ki potupotu fuli o le malama nei.

Gaoi 14:25

I le oki o le fakasa o le folafola i Pelese, na la ifo loa ki Atalia.

Gaoi 16:6

I lola taofi e le Laumalie Maokioki ke aua na la fakasa le folafola i Asia, na la ano loa ki Filisia mo le fenua ko Kalatia.

Gaoi 17:11

Ti na loto malie ake le kau Sutea lena ia latou ala o Tesalonika ; ti na lotou tali loa le folafola i se loto oli, o lotou afa i le Tosi tapu i aso taki tasi, ke iloa le maoki o nea ala e fakasa ake kia latou.

Gaoi 26:16

Kae, tuu ki aluga, ti ke tuu i ou vae ; talie kua kau sa atu kiate koe ke fakanofo a koe ko le tagata avelogo mo le tagata fakamaoki o nea ala kua ke tio ki ai ti mo nea ala e kau toe sa atu ai loa kiate koe.

Gaoi 4:20

talie e leaise mafai ke aua na ma masau ki le nea leia kua ma tio mo logo ki ai.

Gaoi 8:4

Ko latou ala na fakamavetevete, na ano loa ki potu fuli, o fakasa le logo malie o le folafola.

Loma 15:16

ke kau liliu ko le tagata gaoi a Sesu-Kilisito ki le kau pagani ; e kau fai le gaoi taputapu o le Evaselio a le Atua, o tupu ke soko le kau pagani ko se moliga malie kiate ia, leia kua fakamaokioki e le Laumalie Maokioki.

Uluaki tosi ki le kau Kolinto 4:1

Koia, ke tio mai kia maua ofaipe ni tagata fakasausau a Kilisito, ti mo ni tagata tausi o misitelio o le Atua.

Epelo 2:3

e tou sao feaki loa mo kapau e tou fakanoai le saofaki lasi lena ? Na uluaki fakasa e le Aliki le saofaki lena, ti na fakamaoki a ia kia tatou e latou ala na logo totonu kiate ia ;

Uluaki tosi a Petelo 5:1

Ko nei a ekenaki ala e kau fai ki le kau fakamatuatua ala e nonofo ia koutou, ko au, ko se tagata fakamatuatua ofaipe latou, ti ko se tagata fakamaoki ki mamae o Kilisito, ti ko se tasi foki kua kau ki le kololia leia e tonu ke fakasa :

Lua tosi a Petelo 1:16

Talie na leaise motou fakasa atu kia koutou le mafimafi mo le toe liliu mai o lotatou Aliki ko Sesu-Kilisito, o mulimuli ki ni talatuku ala na motou fau fakapoto, kae o tupu kua motou tio maoki ki lona kololia ki omatou mata totonu.