Lua tosi a Samuele 8:6 - Tosi Tapu

⁶ Na tuku loa e Tavite ni kau solia ke leo i Silia o Tamaso. Ti na popula loa le kau Silia kia Tavite, ti na lotou totogi loa kiate ia se tukusau. Na puipui e le Eteleno a Tavite i ganea fuli ala na ano a ia ki ai.

Lua tosi a Samuele 8:6 Iomraidhean Croise

Lua tosi a Samuele 10:19

Ko sau fuli ala na fakalogo kia Atatesele, i le tio kua taai latou e Iselaele, na lotou kole loa le tokamalie mo Iselaele, ti na lotou popula loa kiate ia. Ti na leaise toe toa loa le kau Silia ke toe tokoi ki vosa o Amone.

Lua tosi a Samuele 23:14

Ti na nofo Tavite i lona kolo tau, kae na i ai se koga o le solia Filisitini i Peteleemi.

Lua tosi a Samuele 3:18

i le aso nei, kotou fakanofo la a ia ko le sau, talie kua folafola le Eteleno o uiga mo ia : I le lima o laku tagata fakasausau ko Tavite, e kau saofaki loa loku kakai mei le lima o le kau Filisitini mo le lima o ona fili fuli.

Lua tosi a Samuele 5:10

Na liliu Tavite o asilisili makeke, ti na nofo mo ia le Eteleno, le Atua o kau tau.

Lua tosi a Samuele 7:9

na kau nofo mo koe i ganea fuli na ke saele ai, na kau tamate ou fili fuli i ou mua, ti na kau fakaliliu lou igoa o lasi ofaipe igoa o tagata lalasi e nonofo i le kele ;

Lua tosi a Samuele 8:14

Na tuku loa e ia ni kau solia i Etome, na tuku loa e ia ni kau solia i Etome katoa. Ti na popula loa Etome katoa kia Tavite. Na puipui e le Eteleno a Tavite i ganea fuli ala na ano a ia ki ai.

Lua tosi a Samuele 8:2

Na taai foki e ia le kau Moape, ti na fakamomoe loa e ia latou ki le kele, kae fuafua loa e ia latou ki se maea ; ti na fuafua loa e ia ki le maea o tua lua ke tamate, kae na fuafua loa e ia ki le maea o tua tasi ke fakamauli. Ti na popula loa le kau Moape kia Tavite, o lotou totogi loa kiate ia se tukusau.

Lua tosi a Samuele 8:7

Ti na too loa e Tavite a paletau aulo ala na maua e le kau tagata fakasausau a Atatesele, ti na ave loa e ia latou ki Selusalemi.

Uluaki tosi o Sau 4:21

Na koi pule Salomone ki puleaga fuli mei le vaitafe ko le Eufalate o kaku ki le fenua o le kau Filisitini ti mo le koiga o Esipito ; na lotou aumai ni nea alofa, ti na tukusau kia Salomone i le temi katoa o lona mauli.

Lua tosi o Sau 1:1

I le oki o le mate o Akapo, na agatuu loa Moape ki Iselaele.

Lua tosi o Sau 14:28

Ko le toe o gaoi a Selopoamo, a nea fuli ala na fai e ia, ana gaoi lalasi i le tau, lana aumai Tamaso mo Amati ala na fakalogo kia Suta, ke fakalogo ki Iselaele, pe leaise tosi a ia i le tosi fakamatala ki sau o Iselaele ?

Lua tosi o Sau 18:7

Ti na nofo loa le Eteleno mo Esekiasi, leia na manuia i ana gaoi fuli. Na tiaki e ia le sau o Asilia, o leaise toe popula a ia kiate ia.

Lua tosi o Sau 3:4

Na maua e Mesa, sau o Moape, ni kau manu, ti na tuku e ia ki le sau o Iselaele se tukusau ko akeno e kau lelau afe mo ovi tagata e kau lelau afe ti mo olatou fului ovi.

Uluaki tosi o Koloniko 18:13

Na tuku loa e ia ni solia i Etome, ti na popula loa Etome katoa kia Tavite. Na puipui loa Tavite e le Eteleno i ganea fuli ala na ano a ia ki ai.

Lua tosi o Koloniko 17:2

Na fakamakeke loa a ia ki Iselaele : na tuku loa e ia ni fa solia ki kolo tau fuli o Suta, mo ni solia leo i le fenua o Suta mo kolo o Efalaimi ala na too e Asa, lona tamana.

Pesalemo 140:7

E kau pati ki le Eteleno : Ko koe ko loku Atua ! Eteleno, fakalogo mai lou taliga ki aku tagi !

Pesalemo 60:10

Ko Moape ko le fa tane leia e kau maanu ai ; E kau ti loku fa taka ki Etome ; Fenua o le kau Filisitini, ke ke fai ni kalaga fakafiafia kiate au !

Taagapati 21:31

E teuteu le osi ki le aso o le tau Kae e fakalogo le malo ki le Eteleno.

Uluaki tosi a Samuele 13:3

Na taai loa e Sonatane le kolo tau o le kau Filisitini leia na tuu i Kipea, ti na logo loa ki ai le kau Filisitini. Na fakatotonu loa e Saulo ke pupusi le fakatagi pupusi i le fenua katoa, o pati : Ke fakalogo mai le kau Epeleo !

Uluaki tosi a Samuele 14:1

I se aso, na pati loa Sonatane, vosa o Saulo, ki le tama leia e amo ia ana masafu : Au, ke ta ano o kaku ki le nofolaga tau o le kau Filisitini, leia e tuu i le fetuu uta. Ti na leaise fakasa loa e Sonatane se nea ki lona tamana.

Uluaki tosi a Samuele 14:15

Na mafola loa le lulu i le nofolaga tau o le kau Filisitini, mo le fenua, mo le kakai katoa ; na toe lulu foki mo le kolo tau mo le kau maumau ; na maveuveu katoa le fenua. Na faipe se maveuveu na au mei le Atua.

Uluaki tosi a Samuele 14:6

Na pati loa Sonatane ki le tupulaga leia na amo ia ana masafu : Au, ke ta ano o kaku ki le nofolaga tau o le kau Filisitini pagani leinei. Na saga e gaoi loa le Eteleno kia taua, talie e leaise nea leia e taofi ia le Eteleno ke saofaki ki se ga toka teiki ofaipe se toka api.