Lua tosi a Samuele 7:8 - Tosi Tapu

⁸ I le lakaga nei, e ke pati loa ki laku tagata fakasausau ko Tavite : Ko leinei le folafola a le Eteleno o kau tau : Na kau too a koe mei le lotoa manu i muli o kau ovi, o tupu ke ke liliu ko le pule o loku kakai, ko Iselaele ;

Lua tosi a Samuele 7:8 Iomraidhean Croise

Lua tosi a Samuele 12:7

Ti na pati loa Natane kia Tavite : Ko koe le tagata lena ! Ko leinei le folafola a le Eteleno, le Atua o Iselaele : Na kau pani lolo a koe ke ke nofo ko le sau o Iselaele, ti na kau saofaki a koe mei le lima o Saulo ;

Lua tosi a Samuele 14:13

Na pati loa le fafine : Kolea e ke manatu felaaki ai ki le kakai o le Atua, talie e sa mei masau totonu a le sau e sakinake kua sala le sau talie na leaise kalagai mai e ia leia e nofo i le fenua kese ?

Lua tosi a Samuele 23:1

Ko nei a masau fakamuli a Tavite. Folafola a Tavite, vosa o Isaia, Folafola a le tagata leia na siki ki se tuulaga taualuga, A le filifiliia a le Atua o Sakopo, A le tagata sua malie o Iselaele.

Lua tosi a Samuele 24:17

I le tio a Tavite ki le tamate e le aselo o le kakai, na pati loa a ia ki le Eteleno : Ko leinei, kua kau agasala ! Ko au leia e sala ; kae ko ovi ana, kolea le nea na lotou fai ? Ke vilo lou lima kiate au mo le fale o loku tamana !

Lua tosi a Samuele 5:2

I le temi kua sili, le temi leia na sau ai Saulo kia matou, ko koe leia na taki ia mo aumai ia Iselaele. Na pati le Eteleno kiate koe : E ke fagai loa loku kakai ko Iselaele, ti e ke liliu loa ko le pule o Iselaele.

Lua tosi a Samuele 6:21

Na tali loa Tavite kia Mikale : Ko mua ala o le Eteleno, leia na filifili ia au ke mua i lou tamana mo lona fale katoa, leia na fakanofo ia au ke pule ki le kakai a le Eteleno, ki Iselaele, ko mua o le Eteleno leia na kau mako ai.

Uluaki tosi o Sau 3:6

Na tali loa Salomone : Kua ke fakasa lou alofa ki lau tagata fakasausau ko Tavite, loku tamana, talie na saele a ia i ou mua i le agatonu, mo le maokioki, ti mo lona loto katoa kiate koe ; na ke taupau kiate ia le alofa lasi lena, ti na ke soli kiate ia se vosa leia kua ekeeke i lona ekeekeaga fakasau, ofaipe le nea kua tio ki ai i le aso nei.

Uluaki tosi o Sau 8:16

Talu mei le aso leia na kau fakamavae ai mei Esipito loku kakai ko Iselaele, na leaise kau filifili fua se kolo i faasiga fuli o Iselaele, ke fakatuu ai se fale ki loku suafa, kae na kau filifili Tavite ke pule ki loku kakai ko Iselaele !

Uluaki tosi o Koloniko 17:7

I le lakaga nei e ke pati loa ki laku tagata fakasausau ko Tavite : Ko leinei le folafola a le Eteleno o kau tau : Na kau too a koe mei le nofoaga o kau manu, mei muli o kau ovi, o tupu ke ke liliu ko le pule o loku kakai ko Iselaele ;

Uluaki tosi o Koloniko 21:17

Ti na pati loa Tavite ki le Atua : Pe na leaise ko au leia na fakatotonu ia ke lau le kakai ? Ko au leia kua agasala, leia kua fai ia le nea veli lena ; kae ko ovi anei, kolea lalatou nea leia kua fai ? Eteleno, loku Atua, ke vilo lou lima kiate au mo le fale o loku tamana, kae ke aua na fai e ia se malaia ki lou kakai !

Amosi 7:15

Kae na too au e le Eteleno i muli o le kau manu, ti na pati mai loa le Eteleno kiate au : Ano, ti ke kikite ki loku kakai ko Iselaele.

Gaoi 7:46

Na maua loa e Tavite se kalasia i mua o le Atua, ti na kole loa e ia ke laga se nofoaga ki le Atua o Sakopo ;

Uluaki tosi a Samuele 10:1

Na too loa e Samuele le fagu lolo, o liligi ki le ulu o Saulo, mo sogi kiate ia, o pati : Pe na leaise pani lolo a koe e le Eteleno, ke ke nofo ko le pule o lona tofiga ?

Uluaki tosi a Samuele 2:8

E siki ake e ia mei le efu le tagata mativa, E lagai e ia mei le tauga penu le fakaaloalofa, ke fakatonatona laua mo le kau lalasi. Ti e soli e ia kia latou se ekeekeaga o le kololia, ke lotou maua tofiga ; Talie a le Eteleno a pou o le kele, Ti na fakatuu e ia le malama nei i ai.

Uluaki tosi a Samuele 9:16

I apogipogi, i le ola leinei, e kau kakau atu loa kiate koe se tagata o Pesamino, ti e ke takai loa a ia ki le lolo ke fakanofo a ia ko le pule o loku kakai ko Iselaele. E saofaki loa e ia loku kakai i le lima o le kau Filisitini ; talie kua kau tio ki loku kakai, ti kua kaku mai lana tagi kiate au.