Lua tosi a Samuele 7:13 - Tosi Tapu

¹³ Ko ia leia ka fakatuu ia loa se fale ki loku suafa, ti e kau fakamakeke loa le ekeekeaga fakasau o lona puleaga, o lee gato.

Lua tosi a Samuele 7:13 Iomraidhean Croise

Senesi 49:10

E leaise fakamamao loa le pala fakasau ia Suta, Ti mo le tokotoko fakaaliki i lima o lona sakoga, O kaku ki le aso leia e sa ai loa le Silo (leia e tonu ke maua ia a ia), Ti ke fakalogo loa kiate ia a kakai fuli.

Lua tosi a Samuele 22:51

E soli e ia ni saofaki lalasi ki lona sau, Ti e fakasa e ia lona manava alofa ki lona filifiliia, Kia Tavite, mo lona sakoga, o lee gato.

Lua tosi a Samuele 7:16

E tuu loa lou fale mo lou puleaga o lee gato, ti e tuu makeke loa lou ekeekeaga fakasau o lee gato.

Lua tosi a Samuele 7:27

Talie ko koe totonu, ei Eteleno o kau tau, ko le Atua o Iselaele, kua ke fakasa ki lau tagata fakasausau, o pati : E kau lagai loa kiate koe se fale ! Koia kua loto makeke ai lau tagata fakasausau o fai kiate koe le kole lena.

Uluaki tosi o Sau 2:24

I le lakaga nei, e mauli le Eteleno, leia na fakamakeke ia laku pule, ti na fakaeke ia au ki le ekeekeaga fakasau o Tavite, loku tamana, ti na fakatuu ia kiate au se fale o mulimuli ki lana fakapapau ! I le aso nei, e mate loa Atonisa.

Uluaki tosi o Sau 2:4

o tupu ke fakasoko e le Eteleno le folafola leinei na fai e ia kiate au : Kapau e tokaga loa ou vosa ki olatou ala, o saele agatonu i oku mua, i lolatou loto katoa, ti mo lolatou laumalie katoa, e leaise ke toe mativa tagata loa i ou muli, ke ekeeke i le ekeekeaga fakasau o Iselaele.

Uluaki tosi o Sau 2:45

Kae e tapuakina loa le sau ko Salomone, ti e tuu makeke loa le ekeekeaga fakasau o Tavite i mua o le Eteleno, o lee gato.

Uluaki tosi o Sau 5:5

Ko leinei, e kau manatu ke fakatuu se fale ki le suafa o le Eteleno, loku Atua, ofaipe le nea kua fakasa e le Eteleno kia Tavite, loku tamana, o pati : Ko lou vosa leia ka kau tuku loa ki lou ekeekeaga fakasau o fetogi a koe, ko ia leia e laga ia loa se fale ki loku suafa.

Uluaki tosi o Sau 6:12

Kapau e ke saele loa o mulimuli ki aku lao, kapau e ke fai aku fakatotonu, kapau e ke tausi mo muli ki aku folafola fuli, e kau fakasoko loa kiate koe le fakapapau leia na kau fai kia Tavite, lou tamana,

Uluaki tosi o Sau 8:13

Kae kua kau fakatuu se fale leia e liliu loa ko lou fale, se ganea leia e ke nofo ai loa o lee gato !

Uluaki tosi o Sau 8:15

Ti na pati loa a ia : Ke fakafetai ki le Eteleno, le Atua o Iselaele, leia na masau mei lona gutu kia Tavite, loku tamana, ti kua fakasoko ia i lona makeke le nea leia na fakasa e ia, o pati :

Uluaki tosi o Sau 8:19

Ko leia fua e leaise ko koe leia e fakatuu ia loa le fale ; kae ko lou vosa, leia na tupu mei ou tootooga, ka fakatuu ia loa le fale ki loku suafa.

Lua tosi o Sau 21:4

Na fakatuu loa e ia ni aletale i le fale tapu o le Eteleno, logo ai le pati a le Eteleno : Ko Selusalemi leia e kau agai ai loa.

Lua tosi o Sau 21:7

Na tuku loa e ia le fakatata o Asetalate, leia na fai e ia, ki loto o le fale leia na pati ki ai le Eteleno kia Tavite mo Salomone, lona vosa : Ko le fale leinei, leia e tuu i Selusalemi, leia na kau filifili i faasiga fuli o Iselaele, ti e kau loto ke fakasa ai loku suafa o lee gato.

Lua tosi o Sau 8:19

Kae na leaise loto loa le Eteleno ke maumaui a Suta, o tupu ko Tavite, lana tagata fakasausau, o mulimuli ki le fakapapau leia na fai e ia kia Tavite ke soli tuumau kiate ia se fa malama i ona vosa.

Uluaki tosi o Koloniko 28:10

Ke ke iloa papau kua filifili a koe e le Eteleno i le aso nei, o tupu ke ke fakatuu kiate ia se fale ko lona sagatualio. Ke ke fakamakeke ti ke ke gaoi.

Lua tosi o Koloniko 33:4

Na fakatuu loa e ia ni aletale i le fale o le Eteleno, logo ai na pati le Eteleno : Ko Selusalemi leia e agai ai loa loku suafa o lee gato.

Lua tosi o Koloniko 6:16

I le lakaga nei, Eteleno, Atua o Iselaele, ke ke fakasoko le fakapapau leia na ke fai kia Tavite, loku tamana, o pati : E leaise ke mativa loa i se aso i oku mua i se tagata leia ke nofo i le ekeekeaga fakasau o Iselaele, o fetogi a koe, ko leia fua ke tokaga ou vosa ki olatou ala ti ke lotou saele i laku lao ofaipe lau saele i oku mua.

Sopo 36:7

E leaise too e ia ona mata i le kau agatonu ; E fakaekeeke e ia latou ki le ekeekeaga fakasau o fakatasi mo sau, Ti e fakaekeeke e ia latou i ai o lee gato, o tupu ke siki latou ki aluga.

Pesalemo 72:17

E tuu loa lona suafa o lee gato, O fualoa pe le laa e sosolo loa lona suafa ; Iate ia e fetapuaki loa leia ki leia, Ti pati loa a atu puleaga fuli kiate ia Manuia.

Pesalemo 89:21

Na kau maua ia Tavite, loku tagata fakasausau, Na kau pani a ia ki loku lolo tapu.

Pesalemo 89:29

E kau taupau tuumau loa kiate ia loku agamalie, Ti e agatonu loa laku sai kiate ia ;

Pesalemo 89:4

Na kau fai se sai mo leia na kau filifili ; Ko leinei le nea leia na kau fakapapau kia Tavite, laku tagata fakasausau :

Esaia 49:8

Ko leinei le folafola a le Eteleno : I le temi o le kalasia e kau tali loa kiate koe, I le aso o le fakamauli e kau tokoi loa kiate koe ; E kau taupau loa a koe, ti e kau fakanofo loa a koe ke fai ia se sai mo le kakai, Ke toe lagai ia le fenua ki aluga, Ti ke tufa ia a tofiga na tiaki ;

Esaia 9:6

E fakamafola loa e ia lana pule ki atu puleaga, E tuku loa e ia le tokamalie lee gato ki le ekeekeaga fakasau o Tavite, mo lona puleaga, Ti e fakamakeke loa e ia a ia ti mo poupou a ia ki le lao mo le faitotonu, I le temi nei o lee gato : Ko lena le nea e fai loa e le Eteleno o kau tau i lona alofa lasi.

Esaia 9:7

E kakau e le Eteleno se folafola kia Sakopo, Ti kua vilo a ia ki Iselaele.

Selemia 33:17

Talie e folafola le Eteleno, o pati : E leaise mativa loa Tavite i se tagata Ke nofo i le ekeekeaga fakasau o le fale o Iselaele ;

Esekiele 37:25

E lotou nofo loa i le fenua leia na kau soli ki laku tagata fakasausau ko Sakopo, ti na nofo ai okoutou tamana. E lotou nonofo loa i ai, latou, mo alatou fanau, ti mo fanau o alatou fanau, o lee gato ; ti e nofo loa laku tagata fakasausau ko Tavite ko lolatou sau o lee gato.

Taniela 2:44

I le temi o sau ana, e fakatupu loa e le Atua o le atu lagi se puleaga leia e leaise toe maumaui loa i se aso, ti e leaise toe tuku loa ki le pule a se tasi ake puleaga ; e fatifatii loa e ia, ti e maumaui loa e ia a la ake puleaga fuli, kae e tuu loa a ia totonu, o lee gato.

Sakalia 6:12

E ke pati loa kiate ia : Ko leinei le folafola a le Eteleno o kau tau : Tio ki se tagata leia e igoa ko Somo ; e somo ake loa a ia i lona ganea, ti e fakatuu loa e ia le fale tapu o le Eteleno.

Sakalia 6:13

E fakatuu loa e ia le fale tapu o le Eteleno ; e tau loa e ia a fakamailoga o le pule fakasau ; e ekeeke loa a ia i lona ekeekeaga fakasau o pule ki le kakai ; e faisakilifisio loa a ia i lona ekeekeaga fakasau, ti e fakatasi malie loa a nea ana e lua iate ia.

Mateo 16:18

Ti ko au, e kau pati atu kiate koe, ko Petelo a koe, ti e kau fakatuu loa i le utu lena loku Ekelesia, ti e leaise makeke loa a matapa o le nofoaga o le kau mate iate ia.

Epelo 3:3

Talie na totonu ke maua e ia se kololia leia e lasi ake i le kololia o Moisese, ofaipe le tagata fau fale leia e mauiga lasi ake i le fale totonu.

Uluaki tosi a Petelo 2:5

ti ko koutou totonu, ofaipe ni fatu mauli, kotou faufau koutou ke fakatuu se fale fakalaumalie, mo se gaoi fakapelepitelo maokioki, o tupu ke momoli ai ni vikitima fakalaumalie, ala e mata malie ki le Atua ia Sesu-Kilisito.