Lua tosi a Samuele 5:22 - Tosi Tapu

²² Na toe pale ake foki le kau Filisitini, ti na lotou fakatuutuu tau loa i le vaivailiua o Lefaimi.

Lua tosi a Samuele 5:22 Iomraidhean Croise

Lua tosi a Samuele 21:15

Na toe taui loa e le kau Filisitini a Iselaele. Na ifo loa Tavite mo ana tagata fakasausau, o lotou taui loa le kau Filisitini. Ti na fakaano loa ke gaegae Tavite.

Lua tosi a Samuele 23:13

Na ifo loa se toka tolu o le kau pule lalasi e tino tolu i le temi tuuti o le fulumeto kia Tavite i le ana o Atulami, kae na nofo se solia Filisitini i le vaivailiua o le kau Lefaimi.

Lua tosi a Samuele 5:18

Na kaku mai loa le kau Filisitini, ti na lotou fakatuutuu tau loa i le vaivailiua o le kau Lefaimi.

Uluaki tosi o Sau 20:22

Na fakafeofi ake loa le polofeta ki le sau o Iselaele, o pati kiate ia : Ano, ti ke fakamakeke a koe, ti ke tio pe kolea le nea leia e tonu ke ke fai ; talie i le fetuu ka au, i le temi leinei, e toe pale mai loa le sau o Silia, o taui a koe.

Uluaki tosi o Koloniko 14:13

Na toe mafola loa le kau Filisitini i le vaivailiua o le kau Lefaimi.

Esaia 17:5

E fai loa pe le temi leia e tuuti ai le fulumeto e le tagata tuuti fulumeto, Ti e tuuti ai e lona lima a taulu fulumeto ; E fai loa pe le temi leia e tanaki ai a taulu fulumeto i le vaivailiua o Lefaimi.

Sosue 15:8

Na pale loa a ia i lena i le vaivailiua o Pene-Inome, i le fetuu saute o Sepusi, leia ko Selusalemi, ti na ano loa a ia o kaku ki le tumutumu o le mauga leia e tuu i mua o le vaivailiua o Pene-Inome i le uesite, ti mo le potupotu o le vaivailiua o le kau Lefaimi i le noleto.