Lua tosi a Samuele 4:6 - Tosi Tapu

⁶ Na la ulu loa ki le fale, o sakinake ke too se fulumeto, ti na la sokai loa a ia i lona manava ; ti na fesolaki loa Lekape mo Paana, lona taina.

Lua tosi a Samuele 4:6 Iomraidhean Croise

Lua tosi a Samuele 2:23

Kae na leaise maliu kese Asaele meia Apenele. Ti na tooi loa a ia e Apenele i lona manava ki le muli o lana tao, ti na sa loa le tao i lona tua. Na vilo loa Asaele ki le kele, o mate i le ganea lena. Ko latou fuli ala na kaku mai ki le ganea leia na vilo ai Asaele o mate, na tutuu loa i ai.

Lua tosi a Samuele 20:10

Na leaise tokaga loa Amasa ki le seleta leia na too e le lima o Soape ; ti na sukii loa a ia e Soape i lona manava, ti na maluku ai loa ona vava ki le kele, ti na leaise toe sukii tua lua loa e ia. Ti na mate ai loa Amasa. Na ano loa Soape mo lona taina ko Apisai, o tuli a Sepa, vosa o Pikili.

Lua tosi a Samuele 3:27

I le kaku mai a Apenele ki Epelone, na ave loa a ia e Soape ki se ganea kese i loto o le matapa o le kolo, ke masau fakafufu a ia kiate ia, ti na sukii loa e ia a Apenele ki se seleta i lona manava o mate ai, ke totogi ai le mate o Asaele, lona taina.

Lua tosi a Samuele 4:2

Na maua e le vosa o Saulo ni pule solia e toka lua, na igoa le tasi ko Paana ti na igoa leia ake ko Lekape. Ko vosa laua o Limoni mei Peeloti, i vosa o Pesamino. Talie na lau a Peeloti ki Pesamino,

Tuifakamaau 3:26

I le temi fuli lena, na sola loa Euti. Ti kua fakalaka foki a ia i taulaatua fatu, ti na ano loa a ia ki Seila.