Lua tosi a Samuele 4:4 - Tosi Tapu

⁴ Na i ai loa se vosa o Sonatane, leia na maimoa ona vae ; na fetuu lima a ia i le temi na kaku mai ai le logo mei Siseleele kua mate Saulo mo Sonatane ; na luluku loa a ia e le fafine leia na taupau kiate ia, o sola : kae i lana fakatavili ke sola, na vilo loa le toe ti na nofo maimoa ai loa ; ko lona igoa ko Mefiposete.

Lua tosi a Samuele 4:4 Iomraidhean Croise

Lua tosi a Samuele 21:7

Na fakamauli loa e le sau a Mefiposete, vosa o Sonatane, vosa o Saulo, o tupu ko le fakapapau leia na fai i mua o le Eteleno e Tavite mo Sonatane, vosa o Saulo.

Lua tosi a Samuele 9:13

Koia na nofo ai Mefiposete i Selusalemi, talie na kai tuumau a ia i le laupapa o le sau. Na kito ona vae lualua.

Lua tosi a Samuele 9:3

Na pati loa le sau : Pe leaise koi toe se tasi i le fale o Saulo, o tupu ke kau fakasa kiate ia le agamalie o le Atua kiate au ? Ti na tali loa Tesipa ki le sau : Koi toe le vosa o Sonatane, kae e maimoa ona vae.

Lua tosi a Samuele 9:6

Ti na au loa Mefiposete, vosa o Sonatane, vosa o Saulo, kia Tavite, o tulolo ona mata ki le kele, o fakaapaapa. Na pati loa Tavite : Mefiposete ! Ti na tali loa a ia : Ko leinei lau tagata fakasausau.

Uluaki tosi o Sau 11:17

Kae na sola loa i le temi lena Atate mo ni kau Etome, tagata fakasausau a lona tamana, o ano ki Esipito. Na koi ikiiki Atate i le temi lena.

Uluaki tosi o Koloniko 8:34

Ko le vosa o Sonatane : ko Mefiposete. Na tupu loa meia Mefiposete a Mikea.

Uluaki tosi o Koloniko 9:40

Ko le vosa o Sonatane : ko Mefiposete. Na tupu loa meia Mefiposete a Mikea.

Uluaki tosi a Samuele 29:1

Na tanaki loa e le kau Filisitini alatou solia i Afeke, kae na nofo loa Iselaele o ofi ki le matapuna vai o Siseleele.

Uluaki tosi a Samuele 29:11

Na tutuu ake loa Tavite mo lana kakai i le mafoata, ke ano i le mafoa ake fai o le ao, o toe liliu loa ki le fenua o le kau Filisitini. Ti na pale loa le kau Filisitini ki Siseleele.