Lua tosi a Samuele 3:8 - Tosi Tapu

⁸ Na ita veli loa Apenele i masau a Iseposete, ti na tali loa a ia : Pe ko se fa ulu au o se kuli, leia e gaoi totogi kia Suta ? Kua kau fakasa loku agamalie ki le fale o Saulo, lou tamana, o kaku mai ki le aso nei, ki ona fetaina mo ona kaiga, na leaise kau tuku a koe ki lima o Tavite, ti kua ke valoki au i le aso leinei, o tupu ko se sala mo le fafine lena ?

Lua tosi a Samuele 3:8 Iomraidhean Croise

Lua tosi a Samuele 16:9

Koia na pati loa Apisai, vosa o Teselusa, ki le sau : Kolea e fakamalaia ai e le kuli mate lena le sau, loku aliki ? Ke ke fakataga mai kau ano o tuuti lona fa ulu.

Lua tosi a Samuele 2:8

Kae na too loa e Apenele, vosa o Nele, pule o le solia a Saulo, a Iseposete, vosa o Saulo, o ave ki Maanaimi.

Lua tosi a Samuele 3:18

i le aso nei, kotou fakanofo la a ia ko le sau, talie kua folafola le Eteleno o uiga mo ia : I le lima o laku tagata fakasausau ko Tavite, e kau saofaki loa loku kakai mei le lima o le kau Filisitini mo le lima o ona fili fuli.

Lua tosi a Samuele 3:9

Ke tautea e le Atua a Apenele i lona makeke katoa, mo kapau e leaise kau fai kia Tavite o mulimuli ki le fakapapau a le Eteleno kia Tavite,

Lua tosi a Samuele 5:2

I le temi kua sili, le temi leia na sau ai Saulo kia matou, ko koe leia na taki ia mo aumai ia Iselaele. Na pati le Eteleno kiate koe : E ke fagai loa loku kakai ko Iselaele, ti e ke liliu loa ko le pule o Iselaele.

Lua tosi a Samuele 9:8

Na punou loa Mefiposete, o pati : Kolea lau tagata fakasausau ke ke tokaga ai ki se kuli mate ko au ?

Lua tosi o Sau 8:13

Na pati loa Asaele : Kae ko ai lau tagata fakasausau, le kuli leinei ke fai ia ni nea lalasi fenaaki ? Na pati loa Eliseo : Kua fakasa mai e le Eteleno kiate au e ke soko loa ko le sau o Silia.

Pesalemo 76:10

I le temi leia na tuu ake ai le Atua o fai le fakamaau, O fakamauli le kau fakaaloalofa fuli o le malama nei. - Manava.

Esaia 37:23

Ko ai leia na ke gologolo ki ai ti na ke lauveli ki ai ? Ko ai leia na ke masau leo lasi ki ai ? Kua ke siki ou mata ki aluga Ki le Sagato o Iselaele.

Tetelonome 23:18

Ke aua na ke ave loa ki le fale o le Eteleno, lou Atua, le totogi o se fafine faiaga pe ko le totogi o se tagata faiaga, ke fakasoko ai se fakapapau ; talie e fakalialia le Eteleno, lou Atua, ki leia mo leia.

Uluaki tosi a Samuele 15:28

Na pati loa Samuele kiate ia : E saei e le Eteleno i le aso nei i lou ulu le pule fakasau o Iselaele, ti e soli e ia a ia ki se tasi ake leia e malie ake iate koe.

Uluaki tosi a Samuele 17:43

Na pati loa le Filisitini kia Tavite : Pe ko se kuli au ke ke au ai kiate au mo ni laakau ? Ti na tutukui loa e ia Tavite i ona atua,