Lua tosi a Samuele 24:1 - Tosi Tapu

¹ Na toe mu le sausau o le Eteleno ki Iselaele, ti na fakavelii loa e ia Tavite kia latou, o pati : Ano, ti ke lau pe toka fia Iselaele mo Suta.

Lua tosi a Samuele 24:1 Iomraidhean Croise

Senesi 45:5

I le aso nei, aua na kotou mamae, ti aua na kotou ita i lakoutou fakatau au. Ko le Atua leia na kakau ia au i okoutou mua ke kau au ki le fenua leinei, ke saofaki ai lokoutou mauli.

Senesi 50:20

Na kotou loto ke fai se nea veli kiate au, kae na fulusi a ia e le Atua ko se nea malie, o tupu ke fakasoko le nea leia kua soko i le aso nei, ke saofaki ai le mauli o se kakai toka api.

Lua tosi a Samuele 12:11

Ko leinei le folafola a le Eteleno : E kau fakamapuna loa mei lou fale le malaia kiate koe, ti e kau too loa i ou mua au avaga o soli ki se tasi, ke momoe loa mo ia i mua o le malama o le laa.

Lua tosi a Samuele 16:10

Kae na pati loa le sau : E leaise kolua kau i ai, vosa o Teselusa ; tuku ke fakamalaia e ia au, talie kua pati le Eteleno kiate ia : Fakamalaia Tavite ! Ti ko ai e pati loa kiate ia : Kolea e ke fai felaaki ai ?

Lua tosi o Sau 3:6

Koia na ulu ake loa le sau ko Solame mei Samalia, o lau Iselaele katoa.

Uluaki tosi o Koloniko 21:1

Na tuu ake loa Satana o fakaveli ki Iselaele, ti na fakalotoi loa e ia a Tavite ke lau le kakai o Iselaele.

Uluaki tosi o Koloniko 7:2

Ko vosa o Tola : ko Usi, mo Lefasa, mo Seliele, mo Sakemai, mo Sipesame, mo Samuele, pule o fale o olotou tamana, mei Tola, ko ni tagata toa i olatou tautupu ; ko lolatou api i le temi o Tavite ko le tino lua tupu lua afe mo tino lelau e ono.

Uluaki tosi o Koloniko 7:40

Ko vosa fuli ana o Asele, ko pule famili, ko tagata toa mo makeke, ko tagata taki ; ko lolatou api ko le tino lua tupu ono afe, na mafai ke too masafu, o ano ki le tau.

Lua tosi o Koloniko 32:25

Kae na leaise tali loa Esekiasi ki le alofa na tali e ia, talie na malaga loa lona loto ki aluga ; ti na nofo loa le sausau o le Eteleno mo ia, mo Suta, ti mo Selusalemi.

Ekesote 7:3

Ti ko au, e kau fakafefeka loa le loto o Falaone, ti e kau liuliuga loa aku fakamailoga mo aku milakulo i le fenua o Esipito.

Esekiele 14:9

Ti kapau e kakaai loa le polofeta mo kapau e puaki e ia se folafola, ko au, le Eteleno, leia na fakataga ia ke kakaai le polofeta lena ; e kau falo loa loku lima kiate ia, ti e kau tuuti loa a ia i lotolotoga o loku kakai ko Iselaele.

Esekiele 20:25

Na kau tuku foki kia latou ni pelesepeto ala na leaise malilie, mo ni fakatotonu ala na leaise feala ke lotou mauli ai.

Levitiko 10:6

Ti na pati loa Moisese kia Alone, mo Eleasale, mo Itamale, vosa o Alone : aua na kotou fakatekateka okoutou fa ulu ; aua na kotou sae okoutou kofu ke fakamailoga ai le mate ; talie e kotou aumai loa le mate kia koutou ti mo le sausau o le Eteleno ki le kakai o Iselaele. Kotou tuku okoutou fetaina fuli ko fanau a Iselaele ke tagi kia latou ala kua tamate e le Eteleno ki le afi.

Numelo 1:19

Na tosi loa e Moisese olatou igoa i le toafa o Sinai, o mulimuli ki fakatotonu ala na tuku kiate ia e le Eteleno.

Gaoi 4:28

o fai a nea fuli ala na fakatuutuu fakatomua e lou lima ti mo lou poto.

Lua tosi ki le kau Tesalonika 2:11

Koia e kakau ai loa e le Atua se makeke kaka kia latou, o tupu ke lotou tui ki le loi,

Tuifakamaau 2:14

Ti na malaga loa le sausau o le Eteleno ki Iselaele. Ti na tuku loa e ia latou ki lima o ni kau tagata kaia ala na kaia ia loa latou. Ti na fakatau loa e ia latou ki lima o olatou fili i olatou tafatafa, ti na leaise lotou toe mafai ia loa ke tutuu i mua o olatou fili.

Tuifakamaau 2:20

Koia na ita ai loa le Eteleno ki Iselaele, o pati : talie na tiaki loa e le puleaga leinei le fakapapau leia na kau fai ki olatou tamana, ti na leaise lotou fakalogo loa ki loku leo,

Uluaki tosi a Samuele 26:19

Ke fakamalie le sau, loku aliki, o fakalogo mai ki le masau a lana tagata fakasausau : Kapau ko le Eteleno leia kua lagai ia a koe ke tau kiate au, ke tali malie e ia le kaloni o se moliga ; kae kapau ko ni tagata, ke lotou malaia i mua o le Eteleno, talie e lotou kapu au i le aso nei, ke aua na kau kau ki le tofiga o le Eteleno, ti e lotou pati mai kiate au : Ano, o tausi ki ni atua kese !