Lua tosi a Samuele 22:7 - Tosi Tapu

⁷ I loku mamae, na kau kalaga ki le Eteleno, Na kau kalaga ki loku Atua ; Mei lona fale sau, na logo a ia ki loku leo, Ti na fia logo ona taliga ki laku kalaga.

Lua tosi a Samuele 22:7 Iomraidhean Croise

Pesalemo 107:6

I lolatou mamae, na lotou tagi loa ki le Eteleno, Ti na saofaki loa e ia latou i olatou mamae.

Pesalemo 116:4

Kae na kau fetapa loa ki le suafa o le Eteleno : Ei Eteleno, fakamauli loku laumalie !

Pesalemo 120:1

Katiko o le fanoga tapu. I loku mamae, ko le Eteleno Leia kau tagi ki ai, ti na tali mai a ia kiate au.

Pesalemo 18:6

Na fui au e va o le nofoaga o le kau mate, Na mauatoka au e kupega o le mate.

Pesalemo 27:4

E kau kole ki le Eteleno le nea e tasi, leia e kau oli mamae ki ai : E kau loto ke kau nofo i le fale o le Eteleno i loku mauli katoa, O tio ki le malie o le Eteleno Ti mo afa lona finegalo i lona fale tapu.

Pesalemo 34:6

Ka fulusi otou mata kiate ia, e tou gigila loa i le fiafia, Ti e leaise apele loa otou mata i le luma.

Ekesote 3:7

Na pati loa le Eteleno : Kua kau tio ki le mamae o loku kakai i Esipito, ti kua kau logo ki alatou tagi o tupu ko lolatou fakavelivelii e olatou pule ; ti e kau iloa olatou mamae.

Sonasi 2:4

Na ke ti au ki le moana, ki le takele o le tai, Ti na takatakai au e vai tatafe ; Na fakalaka iate au au galu fuli mo au piau fuli.

Sonasi 2:7

Na kau ifo o kaku ki fakatafito o mauga, Na tapono au e matapa ukamea o le kele o lee gato ; Kae na ke toe fakapale mauli ake au mei le popoko, Eteleno, loku Atua !

Apakuki 2:20

E nofo le Eteleno i lona fale tapu maokioki. Ke fakalologo le malama nei katoa i ona mua !

Luka 22:44

Na logoi loa e ia se mamae lasi, ti na toe asilisili faikole fakamalotoloto a ia : ti na liliu loa lona kavakavaia ofaipe ni motii toto, ala na sasali ki le kele.

Epelo 5:7

Ko ia leia, i aso o lona kanofi, na momoli ia ni su mo ni kole o fakatasi mo ni tagi makeke ti mo ni loimata ki leia na mafai ke fakamauli ia a ia mei le mate ; ti na tali a ia o tupu ko lona fakalogo ki le Atua.

Sakopo 5:4

Ko leinei, e tagi le totogi o le kau gaoi, ala na tuuti ia akoutou faigasaga, kae na kotou taofi olatou totogi ; ti kua kaku a tagi a latou ala na tuuti ki taliga o le Aliki o kau tau.