Lua tosi a Samuele 21:1 - Tosi Tapu

¹ I le temi o Tavite, na i ai loa se oge leia na fetuu tolu lona fualoa. Na afa loa e Tavite a mata o le Eteleno, ti na pati loa le Eteleno kiate ia : Kua soko le nea a ia, o tupu ko le tukipo a Saulo mo lona famili, i le tamate e Saulo le kau Kapaone.

Lua tosi a Samuele 21:1 Iomraidhean Croise

Senesi 12:10

Na to loa se oge i le fenua. Ti na ifo loa Apalamo ki Esipito ke nofo i ai, talie na lasi ai le oge i le fenua.

Senesi 26:1

Na to loa se oge i le fenua, na kese a ia mo le uluaki oge leia na to i le temi o Apalaamo. Ti na ano loa Isaake kia Apimeleke, ko le sau o le kau Filisitini, i Kela.

Senesi 41:57

Ti na au loa mei fenua fuli ki Esipito, o totogi fulumeto ia Sosefo ; talie na veli ai le oge i fenua fuli.

Senesi 42:5

Ti na ano loa a vosa o Iselaele o totogi fulumeto mei Esipito, mo le kakai leia na ano o totogi fulumeto, talie na toe veli foki le oge i le fenua o Kanaane.

Senesi 43:1

Na toe asilisili veli le oge i le fenua o Kanaane.

Lua tosi a Samuele 16:8

E toe fakavilo e le Eteleno kiate koe le toto katoa o le fale o Saulo, leia na ke too lona ekeekeaga fakasau, ti kua tuku e le Eteleno le puleaga ki lima o Apesalone, lou vosa ; ti ko lena lou totogi kua ke fakaaloalofa, talie ko se tagata tukipo a koe !

Lua tosi a Samuele 20:26

ti na uluaki minisi a Ila mei Saili kia Tavite

Lua tosi a Samuele 21:5

Na lotou tali loa ki le sau : Talie na maumaui matou e le tagata lena ti na fakatuutuu e ia ke fakapuli lomatou kakai mei le fenua katoa o Iselaele,

Lua tosi a Samuele 24:1

Na toe mu le sausau o le Eteleno ki Iselaele, ti na fakavelii loa e ia Tavite kia latou, o pati : Ano, ti ke lau pe toka fia Iselaele mo Suta.

Lua tosi a Samuele 5:19

Na afa loa e Tavite le finegalo o le Atua, o pati : Pe kau pale loa o taui le kau Filisitini ? Pe ke tuku mai loa latou ki oku lima ? Ti na pati loa le Eteleno kia Tavite : Pale, talie e kau tuku atu loa le kau Filisitini ki ou lima.

Lua tosi a Samuele 5:23

Na afa loa e Tavite le finegalo o le Eteleno. Ti na pati loa le Eteleno : E leaise ke pale loa ; au kia latou mei muli, ti e ke kaku mai loa kia latou o tautonu mo mulie.

Uluaki tosi o Sau 17:1

Ko Elia, le tagata Tisipe, ko se tasi i le kakai o Kalaate, na pati loa kia Akapo : E mauli le Eteleno, le Atua o Iselaele, leia e kau tausi ki ai ! E leaise toe to loa se ua pe ko se sasau i fetuu anei, kae e gato tasi loa i laku pati.

Uluaki tosi o Sau 18:2

Ti na ano loa Elia, ke tuu i mua o Akapo. Na lasi ai le oge i Samalia.

Lua tosi o Sau 6:25

Na to loa se oge lasi ai i Samalia ; na mailoga loa le veli o le tapotapono o Samalia e le kau Silia, na totogi loa le ulu o le asino ki fa paaga e kau valu, ti ko le vaeluai kilo o faikauga o lupe ki fa paaga e lima.

Lua tosi o Sau 8:1

Na pati loa Eliseo ki le fafine leia na fakamauli e ia lona tama : Tuu ki aluga, ti ke ano, a koe mo lou fale, ti ke nofo i se ganea leia e mafai ke ke nofo ai ; talie kua kakau mai e le Eteleno le oge ki le fenua o Iselaele i fetuu e fitu.

Sopo 10:2

E kau pati ki le Atua : Aua na ke tautea au ! Fakasa mai pe kolea leia e ke fakafesagai ai kiate au !

Pesalemo 27:8

E pati loku loto iate koe : Kotou afa oku mata ! Koia e kau afa ai ou mata, Eteleno !

Pesalemo 50:15

Ti ke ke fetapa mai kiate au i le aso o le mamae ; Ti e kau saofaki loa a koe, ti e ke fakakololia loa kiate au.

Pesalemo 91:15

E kalaga loa a ia kiate au, ti e kau tali loa kiate ia ; E kau nofo loa mo ia i le mamae ; E kau saofaki loa a ia, ti e kau fakakololia loa a ia.

Levitiko 26:26

E kau fakamativa loa koutou i le pane ; ko fafine e kau agafulu e tao ia loa lakoutou pane i se gutuumu e tasi, ti e lotou aumai loa kia koutou se ga nea noa fua ke kotou kai, kae e leaise lelu ai lokoutou fia kai.

Numelo 27:21

E tuu loa a ia i mua o le tagata faisakilifisio ko Eleasale, leia e afa ia loa kiate ia le fakamaau a le Ulimi. Ti ko Sosue, mo fanau fuli o Iselaele mo ia, ti mo le fakatasi katoa, e mavae loa i le fakatotonu a Eleasale ti e ulu loa i lana fakatotonu.

Sosue 7:1

Na fai loa e fanau a Iselaele se agatuu ki nea ala na fakatapui ki le Eteleno. Ko Akane, vosa o Kalemi, vosa o Sapeti, vosa o Selake mei le faasiga o Suta, na too ia loa ni nea i nea ala na fakatapui, ti na tupu ai loa le sausau o le Eteleno ki fanau a Iselaele.

Sosue 9:20

Ko leinei le nea leia e tonu ke motou fai kia latou : e motou tuku loa kia latou le mauli, ke aua na tou aumai loa le sausau o le Eteleno kia tatou, o tupu ko le fakapapau leia na tou fai kia latou.

Lute 1:1

I le temi o le kau tui fakamaau, na to loa se oge i le fenua. Na ano loa se tagata o Peteleemi i Suta mo lana avaga, mo ona vosa e toka lua, o nofo i le fenua o Moape.

Uluaki tosi a Samuele 10:22

Na toe afa loa ki le Eteleno : Pe na i ai se tasi tagata kese na au ki leinei ? Ti na pati loa le Eteleno : E mumuni a ia i kavega.

Uluaki tosi a Samuele 23:11

Pe tuku loa au e le kakai o Keila ki le lima o Saulo ? Pe ifo mai loa Saulo, ofaipe le nea leia kua kau logo ki ai ? Eteleno, Atua o Iselaele, fakasa mai a ia ki lau tagata fakasausau ! Ti na tali loa le Eteleno : E ifo mai loa a ia.

Uluaki tosi a Samuele 23:2

Na afa loa e Tavite le finegalo o le Eteleno, o pati : Pe tonu ke kau ano, o taui le kau Filisitini ? Ti na tali loa le Eteleno kiate ia : Ano, o taui le kau Filisitini, ti e ke saofaki loa Keila.

Uluaki tosi a Samuele 23:4

Na toe afa loa e Tavite le finegalo o le Eteleno, ti na tali loa le Eteleno kiate ia : Tuu ki aluga ti ke ifo ki Keila, talie e kau tuku atu le kau Filisitini ki ou lima.