Lua tosi a Samuele 20:9 - Tosi Tapu

⁹ Na pati loa Soape kia Amasa : Pe ke malie fai, ei loku taina ? Ti na fa loa lona lima atamai ki le kaukava o Amasa ke sogi kiate ia.

Lua tosi a Samuele 20:9 Iomraidhean Croise

Lua tosi a Samuele 15:5

Ti kapau e fakafeofi ake loa se tasi kiate ia, o tulolo i ona mua, e velo loa e Apesalone lona lima kiate ia, o luluku a ia ti mo sogi kiate ia.

Lua tosi a Samuele 17:25

Na fakanofo loa e Apesalone a Amasa ke pule ki le solia, o fetogi Soape ; ko Amasa ko le vosa o se tagata na igoa ko Sitela, tagata o Iselaele, leia na ano kia Apikale, taine o Nakase ti ko le taina o Teselusa, tinana o Soape.

Lua tosi a Samuele 18:29

Na pati loa le sau : Pe malie le tupulaga ko Apesalone ? Na tali loa Asimaate : I le lakaga leia na kakau mai ai e Soape le tagata fakasausau a le sau mo au ko lau tagata fakasausau, na kau tio ki se maveuveu lasi, kae na leaise kau iloa lona tupuaga.

Lua tosi a Samuele 3:27

I le kaku mai a Apenele ki Epelone, na ave loa a ia e Soape ki se ganea kese i loto o le matapa o le kolo, ke masau fakafufu a ia kiate ia, ti na sukii loa e ia a Apenele ki se seleta i lona manava o mate ai, ke totogi ai le mate o Asaele, lona taina.

Uluaki tosi o Sau 2:32

Kua fakavilo e le Eteleno lona toto ki lona fa ulu, talie na tamate e ia a tagata e lua ala na agatonu ake mo malilie ake iate ia, ti na tamate e ia laua ki le seleta, kae na leaise iloa fua e loku tamana ko Tavite : Ko Apenele, vosa o Nele, pule o le solia o Iselaele, ti mo Amasa, vosa o Setelo, pule o le solia o Suta.

Pesalemo 55:21

E siki e ia lona lima kia latou ala na tokamalie mo ia, E maumaui e ia lana sai.

Taagapati 26:23

Ofaipe ni sikoli siliva e uufi ia se ipu kele, E fenaaki ni laugutu vevela e uufi ia se loto veli.

Taagapati 27:6

Ko lavea i se kaukau nea e fakasa ai lona alofa, Kae ko sogi a le fili e kaka.

Selemia 41:2

Ti na tuu ake loa Isemaele, vosa o Netania mo le tino agafulu leia na au mo ia, o tamate ki le seleta a Ketalia, vosa o Asikame, vosa o Safani ; na tamate loa e Isemaele i Misipa leia na fakanofo e le sau o Papilone ko le kovana o le fenua.

Mikea 7:2

Kua puli le tagata agamalie i le fenua, Ti e leaise koi i ai se tagata agatonu i lotolotoga o tagata ; Kua lotou mumuni fuli o lamalama ke liligi le toto, Kua tasi fai e le tagata se masele ki lona taina.

Tuifakamaau 3:15

Na fetagisi loa fanau a Iselaele ki le Eteleno, ti na soli loa e le Eteleno kia latou se fakamauli, ko Euti, vosa o Kela, tagata Pesamino, leia na sema. Na kakau loa e fanau a Iselaele a Euti ke ano o ave ni moliga kia Ekeloni, sau o Moape.