Lua tosi a Samuele 2:7 - Tosi Tapu

⁷ Ke fakamakeke loa okoutou lima, ti ke kotou loto toa ; kua mate lokoutou pule ko Saulo, ti ko au leia kua fakanofo foki e le fale o Suta ke sau kia latou.

Lua tosi a Samuele 2:7 Iomraidhean Croise

Senesi 15:1

I le oki o nea ana, na tuku loa le folafola a le Eteleno kia Apalamo i se tio kiate ia, o pati : Apalamo, aua na ke i ! Ko au ko lou paletau, ti e lasi loa lou fakapale.

Lua tosi a Samuele 10:12

Ke ke loto toa, ti ke ta fia tagata, o tupu ko lotatou kakai mo kolo o lotatou Atua, ti ke fai loa e le Eteleno le nea leia e malie kiate ia !

Lua tosi a Samuele 2:6

Koia ke alofa le Eteleno o fakasa lona agamalie mo lona agatonu kia koutou, i le aso nei. Ko au foki, e kau fai loa kia koutou le nea e malie, talie kua kotou fai le nea e malie.

Lua tosi a Samuele 2:8

Kae na too loa e Apenele, vosa o Nele, pule o le solia a Saulo, a Iseposete, vosa o Saulo, o ave ki Maanaimi.

Lua tosi a Samuele 5:3

Koia na au loa le kau matua fuli o Iselaele kia Tavite i Epelone, ti na fai loa e le sau ko Tavite se sai mo latou i mua o le Eteleno. Na lotou pani lolo loa Tavite ko le sau o Iselaele.

Lua tosi o Sau 11:12

Ti na aumai loa ki fafo e le tagata faisakilifisio ko Soasi le vosa o le sau, ti na teki loa e ia ki lona fa ulu le pala fakasau, ti na tuku loa e ia kiate ia le tosi o le lao. Na lotou pani loa a ia ki le lolo ke fakanofo a ia ke sau, ti na lotou pasipasi loa, o kalaga : Ke mauli le sau !

Neemia 2:18

Na kau fakamatala loa kia latou le lima malie o loku Atua leia na teki kiate au, ti mo masau fuli ala na fai e le sau kiate au. Na lotou pati loa : Tou tutuu ki aluga, tou laga ! Ti na lotou fakamakeke loa olatou lima ki le gaoi malie lena.

Uluaki tosi ki le kau Kolinto 16:13

Kotou alaala, kotou tuu makeke i le tui, kotou faipe ni tagata, kotou makeke.

Efeso 6:10

Fakaoki, kotou fakamakeke i le Aliki, ti kotou fakamakeke ki lona makeke mafimafi.

Uluaki tosi a Samuele 31:12

na tutuu ake loa tagata toa fuli, ti na lotou saele loa i le po katoa o kaku ki Pete-Sani, ti na lotou too loa a tino o Saulo mo ona vosa i le paa. Ti na lotou toe liliu loa ki Sapesi, ti na lotou tutu loa i ai olatou tino.

Uluaki tosi a Samuele 31:7

Ko latou o Iselaele ala na nonofo i le fetuu vaivailiua lena mo le fetuu lena o le solotane, i lalatou tio ki le fesolaki o le kau Iselaele, ti mo le mate a Saulo mo ona vosa, na tiaki loa olatou kolo kae lotou toe sosola loa. Ti na au loa le kau Filisitini, o nonofo i ai.

Uluaki tosi a Samuele 4:9

Ke kotou fakamakeke ti ke kotou faipe ni tagata, kau Filisitini, o tupu ke aua na kotou popula ki le kau Epeleo ofaipe lolatou popula kia koutou ; ke kotou faipe ni tagata ti ke kotou tau !