Lua tosi a Samuele 2:6 - Tosi Tapu

⁶ Koia ke alofa le Eteleno o fakasa lona agamalie mo lona agatonu kia koutou, i le aso nei. Ko au foki, e kau fai loa kia koutou le nea e malie, talie kua kotou fai le nea e malie.

Lua tosi a Samuele 2:6 Iomraidhean Croise

Lua tosi a Samuele 10:2

Na pati loa Tavite : E kau fakasa loa loku agamalie kia Anune, vosa o Nakase, ofaipe le fakasa e lona tamana lona agamalie kiate au. Ti na kakau loa e Tavite ana tagata fakasausau ke ano o fakapelepelei a ia i le mate o lona tamana. I le kaku loa a tagata fakasausau a Tavite ki le fenua o vosa o Amone,

Lua tosi a Samuele 15:20

Na ke kaku mai fua nanafi, ti e leaise malie ke kau fakaeva a koe mo matou i le aso nei, kae e leaise kau iloa totonu pe kau ano kifea ! Toe liliu, ti ke ave ou fetaina mo koe. Ke tuku e le Eteleno lona agamalie mo lona agatonu kiate koe !

Lua tosi a Samuele 2:7

Ke fakamakeke loa okoutou lima, ti ke kotou loto toa ; kua mate lokoutou pule ko Saulo, ti ko au leia kua fakanofo foki e le fale o Suta ke sau kia latou.

Lua tosi a Samuele 9:3

Na pati loa le sau : Pe leaise koi toe se tasi i le fale o Saulo, o tupu ke kau fakasa kiate ia le agamalie o le Atua kiate au ? Ti na tali loa Tesipa ki le sau : Koi toe le vosa o Sonatane, kae e maimoa ona vae.

Lua tosi a Samuele 9:7

Na pati loa Tavite kiate ia : Aua na ke i, talie e kau loto ke kau fakasa kiate koe le nea e malie, o tupu ko Sonatane, lou tamana. E kau liufaki loa kiate koe a kele fuli o Saulo, lou tupuna, ti e ke kai tuumau loa i loku laupapa.

Pesalemo 57:3

E kau tagi ki le Atua taualuga, Ki le Atua leia e gaoi ki loku malie.

Ekesote 34:6

Ti na ano loa le Eteleno i ona mua, o kalaga : Eteleno, Eteleno, Atua manava alofa mo loto alofa, mo kataki fualoa, mo mou koloa i le agamalie mo le agatonu,

Taagapati 14:22

Pe leaise sese latou ala e fakakaukau ki le veli ? Kae ko latou ala e fakakaukau ki le malie e agamalie mo agatonu.

Mateo 10:16

Ko leinei, e kau kakau koutou ofaipe ni ovi ki loto malie o ni lupo. Kotou poto ofaipe ni gata, ti kotou agamalie ofaipe ni lupe tea.

Mateo 5:44

Kae ko au, e kau pati atu kia koutou : Kotou alofa ki okoutou fili, kotou tapuaki kia latou ala e tutuku ia koutou, kotou fai le nea leia e malie kia latou ala e vesia mai kia koutou, ti kotou ulufaki latou ala e fai nea veli mai kia koutou ti mo fakaveliveli mai kia koutou,

Mateo 5:7

Manuia latou ala e manavaalofa, talie e lotou maua loa le manavaalofa !

Sosue 2:14

Na tali loa a tagata esipio kiate ia : E ma fakapapau atu kiate koe le nea lena i oma mauli, mo kapau e leaise ke fakasa ia se nea o uiga mo maua. I le aso leia e soli ai loa e le Eteleno kia matou le fenua leinei, e ma agatonu loa kiate koe, ti e ma tuku loa kiate koe loma alofa.

Lute 1:8

Ti na pati loa Naomi ki ona fugao : Kolua ano, kolua tasi toe liliu ki le fale o lona tinana ! Ke tuku e le Eteleno lona agamalie kia koulua ofaipe lokoulua agamalie kia latou ala kua mamate ti mo au foki !