Lua tosi a Samuele 2:32 - Tosi Tapu

³² Na lotou ave loa Asaele o tanu i le tanuma o lona tamana i Peteleemi. Na saele loa Soape mo lana kakai i le po katoa, o lotou tau loa ki Epelone i le mafoa mai o le ao.

Lua tosi a Samuele 2:32 Iomraidhean Croise

Senesi 47:29

Na fakafeofi loa Iselaele ki le temi o lona mate, ti na kalagai loa e ia lona vosa ko Sosefo, o pati kiate ia : Kapau e ke alofa kiate au, ti ke fakasa loa kiate au lou alofa mo lou agatonu : Aua na ke tanu loa au i Esipito. E kau kole atu kiate koe, ke ke fakapapau mai kiate au, o velo mai lou lima ki lalo o loku tega.

Senesi 47:30

Ka kau moe loa o fakatasi mo oku tamana, ke ke ave loa au ke mamao mei le fenua o Esipito, ti ke tanu loa au i le tanuma o oku tamana. Na tali loa Sosefo : E kau fai loa o mulimuli ki lau masau.

Lua tosi a Samuele 2:31

Kae na tamate e kau tagata a Tavite a tagata o Pesamino mo Apenele e tino lelau tolu mo le tino ono.

Lua tosi a Samuele 5:1

Na au loa a faasiga fuli o Iselaele kia Tavite i Epelone, o pati : Ko leinei, ko ou ivi mo lou kanofi matou.

Lua tosi o Koloniko 16:14

ti na tanu loa a ia i le tanuma leia na kenu e ia mo ona i le kolo o Tavite. Na fakamoe loa a ia ki se palepale leia na fakaapele ki ni nea fakamanogi mo ni kaloni kesekese na teuteui o mulimuli ki le poto o le tagata fai kaloni, ti na tutu loa kiate ia ni nea fakamanogi o lasi ai.

Lua tosi o Koloniko 21:1

Na moe loa Sosafate mo ona tamana, ti na tanu loa a ia mo ona tamana i le kolo o Tavite. Ti na sau loa Solame, lona vosa, o fetogi a ia.

Taagapati 22:29

Kapau e ke tio ki se tagata leia e poto i le gaoi, E tonu ke gaoi a ia ki le sau ; E leaise tonu ke nofo fakapulipuli a ia.

Tuifakamaau 8:32

Na mate loa Seteone, vosa o Soasi, i lona matua malie. Na tanu loa a ia i le tanuma o lona tamana ko Soasi, i Ofala, leia e kau ki Apiesele.

Uluaki tosi a Samuele 17:58

Na pati loa Saulo kiate ia : Ko le vosa a koe o ai, ei tupulaga ? Ti na tali loa Tavite : Ko le vosa au o lau tagata fakasausau ko Isaia, tagata Peteleemi.