Lua tosi a Samuele 2:1 - Tosi Tapu

¹ I le oki o le nea lena, na afa loa e Tavite le finegalo o le Atua, o pati : Pe kau pale loa ki se kolo i kolo o Suta ? Na tali loa le Eteleno kiate ia : Pale. Na pati loa Tavite : E kau pale loa kifea ? Ti na tali loa le Eteleno : Ki Epelone.

Lua tosi a Samuele 2:1 Iomraidhean Croise

Senesi 13:18

Na siki loa e Apalamo ona falela, ti na ano loa a ia o nofo i le ulu sene o Mamele, leia na ofi ki Epelone. Ti na fakatuu loa e ia i ai se aletale ki le Eteleno.

Senesi 32:2

I lana tio kia latou, na pati loa Sakopo : Ko le kau tau a le Atua ! Ti na soli loa e ia ki le ganea lena le igoa ko Maanaimi.

Lua tosi a Samuele 15:7

I le oki o fetuu e fa, na pati loa Apesalone ki le sau : Fakataga mai ke kau ano ki Epelone o fakasoko le fakapapau leia na kau fai ki le Eteleno.

Lua tosi a Samuele 2:11

Ko le fualoa o le temi na sau ai Tavite i Epelone ki le fale o Suta ko fetuu e fitu mo masina e ono.

Lua tosi a Samuele 5:19

Na afa loa e Tavite le finegalo o le Atua, o pati : Pe kau pale loa o taui le kau Filisitini ? Pe ke tuku mai loa latou ki oku lima ? Ti na pati loa le Eteleno kia Tavite : Pale, talie e kau tuku atu loa le kau Filisitini ki ou lima.

Lua tosi a Samuele 5:23

Na afa loa e Tavite le finegalo o le Eteleno. Ti na pati loa le Eteleno : E leaise ke pale loa ; au kia latou mei muli, ti e ke kaku mai loa kia latou o tautonu mo mulie.

Uluaki tosi o Sau 2:11

Na sau Tavite i Iselaele i fetuu e kau fa ; na sau a ia i Epelone i fetuu e fitu, ti na sau a ia i Selusalemi i fetuu e kau tolu tupu tolu.

Uluaki tosi o Koloniko 29:7

Na lotou soli loa ki le tausi o le fale o le Atua a fa tenalio aulo e lima afe, mo fa tenalio siliva e kau agafulu afe, mo fa tenalio sila e kau agafulu tupu valu afe, ti mo fa tenalio ukamea e kau lelau afe.

Lua tosi o Koloniko 11:10

mo Tesolea, mo Asaloni, mo Epelone, ala na tuu i Suta mo Pesamino, ti na fakaliliu loa e ia latou ko ni kolo tau.

Pesalemo 143:8

Tuku ke kau logo i le usu ki lou agamalie, Talie e kau fanaki kiate koe. Fakasa mai kiate au le ala leia e tonu ke kau saele ai, Talie e kau siki kiate koe loku laumalie.

Pesalemo 27:4

E kau kole ki le Eteleno le nea e tasi, leia e kau oli mamae ki ai : E kau loto ke kau nofo i le fale o le Eteleno i loku mauli katoa, O tio ki le malie o le Eteleno Ti mo afa lona finegalo i lona fale tapu.

Esekiele 36:37

E folafola le Aliki, le Eteleno, o pati : Ko leinei foki le tasi a nea leia e kau tuku ai loa le fale o Iselaele ke kalaga mai kiate au, ti e kau fai loa kia latou, o fakaliliu ona tagata ke api ofaipe manu o se kau manu.

Numelo 13:22

Na lotou ulu loa ki le potu Saute ti na lotou ano loa o kaku ki Epelone, leia na nonofo ai a vosa o Anake ko Asimani, mo Sesai, mo Talamai. Na laga Epelone i ni fetuu e fitu i mua o le laga o Tesoane i Esipito.

Numelo 27:21

E tuu loa a ia i mua o le tagata faisakilifisio ko Eleasale, leia e afa ia loa kiate ia le fakamaau a le Ulimi. Ti ko Sosue, mo fanau fuli o Iselaele mo ia, ti mo le fakatasi katoa, e mavae loa i le fakatotonu a Eleasale ti e ulu loa i lana fakatotonu.

Sosue 15:13

Na soli loa kia Kalepo, vosa o Sefune, se tofiga i loto malie o vosa o Suta, o mulimuli ki le nea leia na fakatotonu e le Eteleno kia Sosue. Na soli loa kiate ia le kolo ko Kiliate-Alepa, leia ko Epelone : ko Alapa ko le tamana o le kau Anake.

Tuifakamaau 1:1

I le oki o le mate o Sosue, na vesili loa fanau a Iselaele ki le Eteleno, o pati : Ko ai leia ia matou e tonu ke uluaki pale loa o taui le kau Kanaane ?

Uluaki tosi a Samuele 10:22

Na toe afa loa ki le Eteleno : Pe na i ai se tasi tagata kese na au ki leinei ? Ti na pati loa le Eteleno : E mumuni a ia i kavega.

Uluaki tosi a Samuele 23:2

Na afa loa e Tavite le finegalo o le Eteleno, o pati : Pe tonu ke kau ano, o taui le kau Filisitini ? Ti na tali loa le Eteleno kiate ia : Ano, o taui le kau Filisitini, ti e ke saofaki loa Keila.

Uluaki tosi a Samuele 23:4

Na toe afa loa e Tavite le finegalo o le Eteleno, ti na tali loa le Eteleno kiate ia : Tuu ki aluga ti ke ifo ki Keila, talie e kau tuku atu le kau Filisitini ki ou lima.

Uluaki tosi a Samuele 30:31

mo latou ala mei Epelone, ti mo ganea fuli ala na ano loa ki ai Tavite mo lana kakai.