Lua tosi a Samuele 18:5 - Tosi Tapu

⁵ Na tuku loa e le sau le fakatotonu leinei kia Soape, mo Apisai, mo Itai : Kapau e kotou alofa kiate au, ke aua na kotou fai loa se nea veli ki loku vosa ko Apesalone ! Ti na logo loa le kakai katoa ki le fakatotonu a le sau ki pule tau fuli o uiga mo Apesalone.

Lua tosi a Samuele 18:5 Iomraidhean Croise

Lua tosi a Samuele 16:11

Ti na pati loa Tavite kia Apisai mo ana tagata fakasausau fuli : Ko leinei, ko loku vosa, leia na ifo mei oku tootooga, e afa ki loku mauli ; ti e feaki ake loa le tagata lena o Pesamino ! Tuku a ia ke fakamalaia, talie kua pati le Eteleno kiate ia.

Lua tosi a Samuele 17:14

Na pati loa Apesalone mo le kakai katoa o Iselaele : E malie ake le tokoi a Usai, le tagata Aleki, i le tokoi a Asitofele. Talie kua fakatotonu e le Eteleno ke fakanoai le tokoi malie a Asitofele, o tupu ke aumai ai le malaia kia Apesalone.

Lua tosi a Samuele 18:12

Kae na pati loa le tagata lena kia Soape : Kapau foki e kau too loa i loku lima ni fa sikele paaga e afe, e leaise kau fafa loa ki le vosa o le sau ; talie na tou logo fuli ki le fakatotonu leia na fai e le sau kiate koe, mo Apisai, mo Itai : Ke kotou tokaga ki loku vosa ko Apesalone !

Lua tosi a Samuele 19:1

Na au loa o fakasa kia Soape : Ko leinei, kua tagi le sau mo mamae o tupu ko Apesalone.

Pesalemo 103:13

Ofaipe se tamana leia e alofa ki ana fanau, E alofa foki le Eteleno kia latou ala e i kiate ia.

Luka 23:34

Na pati loa Sesu : Tamana, fakamolemole kia latou, talie e leaise lotou iloa le nea leia e lotou fai. Ti na lotou vae loa ona kofu ia latou, o toso.