Lua tosi a Samuele 18:3 - Tosi Tapu

³ Kae na pati loa le kakai : E leaise ke ano loa ki le tau ! Talie kapau e motou sosola loa, e leaise tokaga loa le fili kia matou ; ti kapau e mate loa le vaelua o le kakai, e leaise tokaga loa a ia ki ai ; kae ko koe, e ke tatau mo se tino agafulu afe o matou ; koia i le lakaga nei, e malie ake ke ke nofo i le kolo, o aumai mei ai se tokoi kia matou.

Lua tosi a Samuele 18:3 Iomraidhean Croise

Lua tosi a Samuele 10:11

Na pati loa Soape : Kapau e makeke ake loa le kau Silia iate au, e ke au loa o tokoi mai kiate au ; ti kapau e makeke ake loa a vosa o Amone iate koe, e kau natu loa o tokoi atu kiate koe.

Lua tosi a Samuele 17:2

E kau osoi fakaofolele loa a ia i le temi leia e loto gaegae ai a ia ti mo gaegae ai ona lima, ti e kau fakamanavase loa a ia, ti e sosola loa le kakai katoa leia e nofo mo ia. E kau taai loa le sau toka tasi,

Lua tosi a Samuele 21:17

Kae na au loa Apisai, vosa o Teselusa, o tokoi kia Tavite, ti na taai loa e ia le Filisitini o mate. Ti na fakapapau loa le kakai a Tavite, o pati kiate ia : E leaise ke toe ano loa mo matou o tau, ti e leaise tamate loa le malama tutu o Iselaele.

Uluaki tosi o Sau 22:31

Na tuku loa e le sau o Silia le fakatotonu leinei ki le kau pule e tino tolu tupu lua o lana kau saliote : Ke aua na kotou taui loa se tasi ia latou ala e liliki mo lalasi, kae ke kotou taui ata le sau o Iselaele.

Tagi laulau a Selemia 4:20

Ko leia na fakalogo ki ai lamatou tukumanava, le filifiliia a le Eteleno, Na vilo ki olatou popoko, A ia leia na motou pati ki ai, E motou mauli loa i lona malu i atu puleaga.

Sakalia 13:7

Seleta, oso ki laku tagata tausi manu Ti mo le tagata leia ko loku kaukau nea ! E pati le Eteleno. Taai le tagata tausi manu, Ti ke mavete a ovi ! Ti e kau fakamaliu loa loku lima kia latou ala e gagae.

Uluaki tosi a Samuele 18:7

Ko fafine ala na sua na fetaliaki a la ki la, o pati : Na tamate e Saulo lana tino afe, ti ko Tavite lana tino agafulu afe.