Lua tosi a Samuele 18:2 - Tosi Tapu

² Na tuku loa e ia le vaega tolu o le kakai ke taki e Soape, ko le tasi vaega tolu ke taki e Apisai, taina o Soape, vosa o Teselusa, ti ko le tasi vaega tolu ke taki e Itai, mei Kate. Ti na pati loa le sau ki le kakai : Ko au foki, e kau loto ke kau ano mo koutou ki le tau.

Lua tosi a Samuele 18:2 Iomraidhean Croise

Lua tosi a Samuele 17:11

Koia e kau manatu ke fakatasii fuli mai a Iselaele kiate koe, mei Tane o kaku ki Peele-Sepa, ke api ofaipe le one o le mata tai. Ti ko koe, ke ke saele totonu loa mo latou ki le tau.

Lua tosi a Samuele 21:17

Kae na au loa Apisai, vosa o Teselusa, o tokoi kia Tavite, ti na taai loa e ia le Filisitini o mate. Ti na fakapapau loa le kakai a Tavite, o pati kiate ia : E leaise ke toe ano loa mo matou o tau, ti e leaise tamate loa le malama tutu o Iselaele.

Lua tosi a Samuele 23:18

Ko Apisai, taina o Soape, vosa o Teselusa, ko le pule a ia o le toka tolu lena. Na oso loa a ia mo lana tao ki tagata e tino lelau tolu, ti na tamate loa e ia latou ; ti na logologona a ia i le toka tolu lena.

Lua tosi a Samuele 8:16

Ko Soape, vosa o Teselusa, na taki ia le solia ; ko Sosafate, vosa o Asilute, na tokaga ki tosi fakapuleaga ;

Uluaki tosi o Sau 2:28

Na logo loa Soape ki le nea lena : Talie na muli Soape i le fetuuga o Atonisa, logo ai na leaise mulimuli a ia i le fetuuga o Apesalone. Ti na mumuni loa Soape i le falela o le Eteleno, o tapiki ki tala o le aletale.

Pesalemo 3:6

E kau moe, ti e kau moe mate ; E kau ala ake, talie ko le Eteleno ko loku tokoi.

Tuifakamaau 7:16

Na vae tolu loa e Seteone le kau tagata e tino lelau tolu. Ti na soli loa e ia ki tagata fuli ni talai manu, mo ni gaati ipu, ti mo ni vavai malama i loto o ipu.

Tuifakamaau 7:19

Na kaku loa Seteone mo le tino lelau tagata leia na nofo mo ia ki tafa o le nofolaga o Matiane i mua o le vaeluapo, i le temi leia na fetogi ai loa le kau leo. Na lotou pupusi loa a talai manu ti na lotou titi ia loa a gaati ipu ala na lotou too i olatou lima.

Tuifakamaau 9:43

Na too loa e Apimeleke lana kau tau, o vae tolu, ti na lotou mumuni loa i faisaga. I le temi leia na tio ai loa Apimeleke kua ulu ki fafo le kakai katoa o Siseme, na fakavilivili loa a ia o taui latou.

Uluaki tosi a Samuele 11:11

I leia ake a aso, na vae tolu loa e Saulo le kakai. Na lotou ului loa le nofolaga solia o le kau Amone i le mafoata, ti na lotou tamate loa latou o kaku ki le lalatea. Na mavete loa latou ala na sao, ti na leaise toe tuu fakatasi loa se fa toka lua.