Lua tosi a Samuele 17:8 - Tosi Tapu

⁸ Ti na pati loa Usai : E ke iloa le loto toa o lou tamana mo ana kau tagata, e lotou itaita ofaipe se uluso fafine i le vao, leia kua kaia mei ai ona uviki. Ko se tagata tau lou tamana, ti e leaise nofo loa a ia mo le kakai i le pouli.

Lua tosi a Samuele 17:8 Iomraidhean Croise

Lua tosi a Samuele 15:18

Ti na fakaolo loa i ona mua ana tagata fakasausau fuli : le kau Keleti fuli, mo le kau Peleti fuli ; ti na toe fakalaka foki i mua o le sau le kakai fuli o Kate, ala ko kau tagata e tino lelau e ono, na au mei Kate o mulimuli iate ia.

Lua tosi a Samuele 17:9

Ko leinei, kua lagi mumuni a ia i se popoko pe ko se tasi ake ganea. Ti kapau i le kamataaga e vivilo loa ni iki i lau solia ia latou, e leaise tuvai loa le mafola o le logo lena, ti e pati loa : Kua lava le kakai leia e muli ia Apesalone !

Lua tosi a Samuele 23:16

Ti na fakalaka loa a tagata toa ana e toka tolu i le nofolaga o le kau Filisitini, o asu se vai mei le fa tane leia na tuu i le matapa o Peteleemi. Na lotou aumai loa a ia o soli kia Tavite ; kae na leaise loto Tavite ke inu a ia, ti na liligi loa e ia a ia i mua o le Eteleno.

Lua tosi a Samuele 23:18

Ko Apisai, taina o Soape, vosa o Teselusa, ko le pule a ia o le toka tolu lena. Na oso loa a ia mo lana tao ki tagata e tino lelau tolu, ti na tamate loa e ia latou ; ti na logologona a ia i le toka tolu lena.

Lua tosi o Sau 2:24

Na tagaki loa ki muli a Eliseo, o tio ki toe, ti na fakamalaia loa e ia latou i le suafa o le Eteleno. Ti na au loa ni uluso e lua mei le vao, o kai a toe e tino fa tupu lua.

Taagapati 17:12

E malie ake le felavei mo se uluso fafine kua too ona uviki, I le felavei mo se tagata valea i lona temi valea.

Taagapati 28:15

Ofaipe se laione itaita ti mo se uluso pakupaku, E felaaki le tagata agaveli leia e pule fakamakeke ki se kakai mativa.

Esekiele 19:2

Ti ke pati : Ko ai lou tinana ? Ko se laione fafine. Na moe a ia i lotolotoga o ni laione tagata ; Na taupau e ia ona uviki i loto malie o ni laione muli.

Taniela 7:5

Ti ko leinei, na fai le lua manu pe se uluso, ti na nofo fakafetuu a ia ; na uuti e ia i lona gutu, ki ona nifo ni ivi vakavaka e tolu ; ti na pati kiate ia : Tuu ki aluga, kai fakalasi ni inati.

Oseo 13:8

E kau osoi loa latou, ofaipe se uluso fafine leia na too ona uviki, Ti e kau saei loa le kili o lolatou mafu ; E kau kai loa latou, ofaipe se laione fafine ; E sae loa latou e manu o faisaga.

Tuifakamaau 18:25

Na tali loa a vosa o Tane kiate ia : Ke aua na motou toe logo loa ki lou leo, talie e feala loa ke kaekae ni iki o matou, ti ke lotou tamate loa koutou, ti e ke fakatupu ia loa lou puli mo lou famili.

Uluaki tosi a Samuele 16:18

Na pati loa le tasi o tagata fakasausau : Ko leinei, na kau tio ki se vosa o Isaia, tagata Peteleemi, leia e poto i le fai musika ; ko se tagata makeke mo toa foki a ia, ko se tagata tau, leia e masau malie mo tupulaga, ti e nofo le Eteleno mo ia.

Uluaki tosi a Samuele 17:50

Koia, ki se makamaka mo se fa fatu, na makeke ake loa Tavite i le Filisitini ; na taai e ia le Filisitini, o tamate, kae na leaise too e ia se seleta i lona lima.

Uluaki tosi a Samuele 23:23

Kotou tioi fakamalielie a ganea fuli ala e mumuni ai, ti kotou toe liliu mai kiate au mo ni logo maoki, ti e kau ano loa mo koutou. Kapau e nofo a ia i le fenua, e kau afa loa a ia i tino afe mo afe o Suta.