Lua tosi a Samuele 17:12 - Tosi Tapu

¹² E tou kaku loa kiate ia i le ganea leia e tou maua ai loa a ia, ti e tou vilo loa kiate ia ofaipe le vilo o le sasau ki le kele ; ti e leaise toe sao loa se fa toka tasi, pe ko ia pe ko se tasi o kau tagata ala e nonofo mo ia.

Lua tosi a Samuele 17:12 Iomraidhean Croise

Uluaki tosi o Sau 20:10

Na toe kakau loa e Pene-Atate ke pati kia Akapo : Ke tautea au e atua ki lolatou makeke katoa, mo kapau e kau tuku loa i Samalia se efui fatu ke tasi mo ia laku kau solia katoa o fakaapele lona alofilima !

Lua tosi o Sau 18:23

I le lakaga nei, fai se fakatuutuu mo loku pule, le sau o Asilia, ti e kau soli atu loa kiate koe a kau osi e afe lua, mo kapau e ke maua ia loa ni kau tagata ekeosi ke eke ki ai.

Lua tosi o Sau 19:24

Kua kau kenu ni sosoni, ti kua kau inu ki se vai matapule, Ti kua kau fakamasa loa a vaitafe o Esipito ki oku alofivae.

Pesalemo 110:3

E apele lou kakai i le makeke, Mo ka ke fakatasi lau kau tau ; Mo ni kofu tapu, mei le manava o le mafoata E au kiate koe lau kau tupulaga ofaipe se sasau.

Apetiasi 1:3

Na fakasese a koe e le fia nealasi o lou loto, A koe leia e nofo i pu o utu, Leia e ekeeke i potu taualuga, Leia e pati i lou loto : Ko ai e fakaifo ia loa au ki lalo ?

Mikea 5:7

E nofo loa le toega o Sakopo i lotolotoga o atu puleaga, I loto malie o ni kakai toka api, Ofaipe se laione i lotolotoga o manu o le vaomatua, Ofaipe se uviki laione i lotolotoga o kau ovi : Ka fakalaka a ia, e takatakafi e ia ti e sae e ia, Ti e leaise saofaki e se tasi.

Uluaki tosi a Samuele 23:23

Kotou tioi fakamalielie a ganea fuli ala e mumuni ai, ti kotou toe liliu mai kiate au mo ni logo maoki, ti e kau ano loa mo koutou. Kapau e nofo a ia i le fenua, e kau afa loa a ia i tino afe mo afe o Suta.