Lua tosi a Samuele 16:7 - Tosi Tapu

⁷ Na masau feneeki Simei i lana fakamalaia Tavite : Ano, ano, tagata o le toto, tagata agaveli !

Lua tosi a Samuele 16:7 Iomraidhean Croise

Lua tosi a Samuele 12:9

Kolea na ke fakanoai ai le folafola a le Eteleno, o ke fai ai le nea e veli ki ona mata ? Na ke taai ki le seleta a Uli, le tagata Eti ; na ke too lana avaga ke liliu ko lau avaga, ti na ke tamate a ia ki le seleta o vosa o Amone.

Lua tosi a Samuele 16:6

ti na laku foki e ia ni fatu kia Tavite mo ana tagata fakasausau fuli, logo ai le api o le kakai leia na saele i le fetuu atamai mo le fetuu sema o le sau.

Lua tosi a Samuele 19:21

Ti na masau loa Apisai, vosa o Teselusa, o pati : Pe leaise tonu ke mate Simei, talie na lauveli a ia ki le filifiliia a le Eteleno ?

Lua tosi a Samuele 20:1

Na nofo i lena se tagata agaveli, na igoa ko Sepa, vosa o Pikili, ko se tagata o Pesamino. Na pupusi loa e ia le fakatagi pupusi, o pati : E leaise motou kau loa kia Tavite, e leaise nea fua leia e motou fakatasi ai mo le vosa o Isaia ! Ke kotou tasi ano ki lona falela, kakai o Iselaele !

Lua tosi a Samuele 3:37

Na matala loa le kakai katoa mo Iselaele katoa i le aso lena na leaise fakatotonu e le sau ke tamate Apenele, vosa o Nele.

Uluaki tosi o Sau 21:10

ti kotou tuku ki ona mua ni tagata agaveli e toka lua, o tupu ke la fakalakasala a ia, o pati : Na ke lauveli ki le Atua mo le sau ! Ti kotou taki a ia ki le tua kolo, o kotou tuki fatui a ia ke mate.

Uluaki tosi o Sau 21:13

ti na au loa ni tagata agaveli e toka lua, o tuu i mua o Napote, ti na la fakalakasala loa Napote i mua o le kakai, o pati : Na lauveli Napote ki le Atua mo le sau ! Ti na lotou ave loa Napote ki le tua kolo, ti na lotou tukifatu loa a ia, o mate.

Pesalemo 3:2

Ei Eteleno, e lasi ai oku fili ! E api ai latou ala e agatuu mai kiate au !

Pesalemo 5:6

E leaise tutuu le kau vale i ou mua ; Ti e ke vesia kia latou fuli ala e fai ia le agaveli.

Pesalemo 51:14

Toe tuku mai kiate au le fiafia o lou fakamauli, Ti ke poupou au e se loto malie !

Pesalemo 55:3

Ke ke fakalogo mai kiate au, ti ke ke tali mai kiate au ! E kau lauga i loku mamae, ti e kau tagi kalaga,

Pesalemo 55:4

O tupu ko le leo o le fili ti mo le fakaveliveli a le tagata agaveli ; Talie kua la fakavilo mai kiate au le malaia, Ti e la tuli au i lola vesia kiate au.

Tetelonome 13:13

Na i ai se kau tagata noa leia na mavae meiate koe ti na fakasalai ia le kakai o le kolo lena o pati : tou ano, o tausi ki ni atua kese, ki ni atua ala e leaise kotou iloa,

Uluaki tosi a Samuele 2:12

Ko vosa o Eli ko ni tagata agaveveli, na leaise la iloa le Eteleno.

Uluaki tosi a Samuele 25:17

Ko leinei, ke ke iloa le nea lena, ti ke ke tio pe kolea le nea leia e tonu ke fai, talie kua fakapapau le maumaui o lomatou pule mo lona fale katoa, ti kua lasi ai lona agaveli, ku se toa ke toe masau kiate ia.