Lua tosi a Samuele 1:20 - Tosi Tapu

²⁰ Aua na kotou fakasa a ia i Kate, Aua na kotou fakasa le logo i ala o Asekaloni, Talie na fiafia a taineliki o le kau Filisitini, Talie na kakata a taineliki o le kau pagani.

Lua tosi a Samuele 1:20 Iomraidhean Croise

Esekiele 16:27

Ti ko leinei, kua kau siki loku lima kiate koe, ti kua kau fakaikiiki le vaega leia na kau fakatuutuu kiate koe, ti kua kau tuku a koe ke faitalisa ki ai ou fili, a taineliki o le kau Filisitini, ala na luma ki au agatukipo.

Esekiele 16:57

I mua o le fakasa o lou agaveli ki tafa, i le temi leia na ke tali ai a nukinuki a taineliki o Silia mo latou ala e nonofo i ona tafatafa, ti mo nukinuki a taineliki o le kau Filisitini, ala e vesia kiate koe, mo latou fuli ala e nonofo i ona tafatafa !

Mikea 1:10

Aua na kotou fakasa a ia i Kate, Aua na kotou tagi i Ako ! E kau fuliteka i le efu i Pete-Leafala.

Tuifakamaau 11:34

Na toe liliu loa Sefete ki lona fale i Misipa. Ti ko leinei na ulu ake loa ki fafo lona taine o fakafetaulaki kiate ia mo ni tapulini ti mo ni mako. Ko lana fanau lena e tasi ; na leaise maua e ia sona vosa pe ko se tasi ake taine.

Tuifakamaau 14:19

Na too loa e le Laumalie o le Eteleno a Samisoni, ti na ifo loa a ia ki Asakaloni. Na tamate loa e ia i ai ni tagata e kau tolu, ti na too loa e ia olatou teu o soli kia latou ala na fakamatala ia le mate. Ti na toe liliu loa a ia ki le fale o lona tamana mo se ita lasi.

Uluaki tosi a Samuele 14:6

Na pati loa Sonatane ki le tupulaga leia na amo ia ana masafu : Au, ke ta ano o kaku ki le nofolaga tau o le kau Filisitini pagani leinei. Na saga e gaoi loa le Eteleno kia taua, talie e leaise nea leia e taofi ia le Eteleno ke saofaki ki se ga toka teiki ofaipe se toka api.

Uluaki tosi a Samuele 17:26

Na pati loa Tavite ki tagata ala na tutuu i ona tafa : Kolea loa e fai ki leia e tamate ia loa le Filisitini lena, ti e sau ia loa le matagafua i Iselaele ? Ko ai le Filisitini lena, le pagani lena, ke tauvelei e ia le kau solia a le Atua mauli ?

Uluaki tosi a Samuele 17:36

Na fenaaki le tamate e lau tagata fakasausau o le laione mo le uluso, ti e toe fenaaki loa ki le Filisitini, le pagani lena, pe ki se tasi ake o latou, talie kua pati veli a ia ki le kau solia a le Atua mauli.

Uluaki tosi a Samuele 18:6

Na soko foki i le toe liliu mai a le solia, i le oki o le tamate e Tavite o le Filisitini, na nake loa a fafine i kolo fuli o Iselaele ki mua o le sau ko Saulo, o sua mo mako, ki le tagi o ni nafa mo ni pa, mo ni kalaga fakafiafia.

Uluaki tosi a Samuele 31:4

Na pati loa Saulo ki leia na amo ia ana masafu : Tosoi lau seleta, ti ke sukii au, ke aua na au a nea pagani ana o tamate au mo nukinuki kiate au. Kae na leaise loto leia na amo ia ana masafu, talie na maua loa e ia se i lasi.

Uluaki tosi a Samuele 6:17

Ko nei a fakatata aulo o masaki ala na soli e le kau Filisitini ki le Eteleno i le moliga ki le agasala : ko le tasi ki Asetoti, ko le tasi ki Kasa, ko le tasi ki Asekaloni, ko le tasi ki Kate, ti ko le tasi ki Ekeloni.