Loma 7:4 - Tosi Tapu

⁴ Koia, ei oku fetaina, ko koutou foki, kua kotou mamate, i le tino o Kilisito, ki nea o le lao, o tupu ke kotou fakalogo ki se tasi ake, ki leia kua toe tuuake mei le kau mate, talie ke tou maua ni fua ki le Atua.

Loma 7:4 Iomraidhean Croise

Esaia 54:5

Talie ko lou tupuaga ko lou avaga : Ko lona igoa ko le Eteleno o kau tau ; Ti ko lou fakamauli ko le Sagato o Iselaele : E igoa a ia ko le Atua o le malama nei katoa ;

Esaia 62:5

Ofaipe se tama tupulaga leia e pipiki ki se taine taupoou, E pipiki loa ou vosa kiate koe ; Ofaipe le taine feauaki leia e fai ia le fiafia o lona avaga, E ke fai ia loa le fiafia o lou Atua.

Mateo 26:26

I le lolotoga o le kai, na too loa e Sesu le pane, o fakafetai, mo tofitofi, mo soli ki ana tisipulo, o pati : Kotou too, ti kotou kai, ko le nea leinei ko loku tino a ia.

Maleko 4:20

Ko ni iki na tali ia le folafola i le kele malie ; ko latou ala e logo ki le folafola, ti e lotou tali a ia, ti e lotou fua, o kau tolu, mo kau ono, ti mo kau lelau ki le tasi.

Soane 15:8

Kapau e kotou fua o lasi ai, e fakakololia loa i ai loku Tamana, ti e kotou liliu loa i ai ko aku tisipulo.

Soane 3:29

Ko leia a ana le fafine avaga, ko le tagata avaga ; kae ko le kaukaunea o le tagata avaga, leia e tuu i ona tafa o logo kiate ia, e logoi e ia se fiafia lasi, o tupu ko le leo o le tagata avaga : koia ko le fiafia lena, leia ko looku foki, kua katoa.

Soane 6:51

Ko au ko le pane mauli leia na ifo mei le lagi. Kapau e kai se tasi ki le pane lena, e mauli loa a ia o lee gato ; ti ko le pane leia e kau soli loa, ko loku tino, leia e kau soli loa ki le mauli o le malama nei.

Loma 6:11

Koia ko koutou totonu, ke kotou tio ai kia koutou kua kotou mate maoki ki le agasala, ti kua kotou mauli ki le Atua ia Sesu-Kilisito.

Loma 6:14

Talie e leaise maua loa e le agasala se pule kia koutou, talie e leaise kotou nonofo i le lao, kae i le kalasia.

Loma 6:2

E leai ai ! Ko tatou ala kua mate ki le agasala, e feaki loa ke tou toe mauli i le agasala ?

Loma 6:22

Kae i le temi nei, i lokoutou lauatea mei le agasala, o popula ki le Atua, e kotou maua a fua o le maokioki ti mo le fakaokiaga ko le mauli lee gato.

Loma 7:3

Kapau loa, i le koi mauli o lona avaga, e liliu le fafine lena ko le avaga o se tasi ake tagata, e fakaigoa loa a ia ko le fafine tono ; kae kapau e mate le tagata, e lauatea loa le fafine mei le lao ; e leaise tono loa a ia i lana toe liliu ko le avaga o se tasi ake tagata.

Loma 7:6

Kae i le temi nei, kua fakamavae tatou mei le lao, talie kua tou mamate ki le lao lena na tou pikiia ai, o tupu ke tou tausi i se loto foou, kae e leai i le matai tosi leia kua matua.

Loma 8:2

Talie, ko le lao o le Laumalie o le mauli ia Sesu-Kilisito, kua fakalauatea ia au mei le lao o le agasala ti mo le mate.

Uluaki tosi ki le kau Kolinto 10:16

Ko le ipu o le tapuakina leia e tou tapuakii, pe leaise ko le komunio a ia ki le toto o Kilisito ? Ti ko le pane leia e tou tofitofi, pe leaise ko le komunio a ia ki le tino o Kilisito ?

Lua tosi ki le kau Kolinto 11:2

Talie e kau finenonofo kia koutou i se finenonofo o le Atua, talie kua kau fakatasii koutou ki se tagata avaga e tasi, o tupu ke kau fakaali koutou kia Kilisito ofaipe se taupoou mea.

Kalate 3:13

Na totogi tatou e Kilisito mei le malaia o le lao, o liliu a ia ko se malaia o tupu ko tatou - talie e tuu i le Tosi : Malaia leia e tautau i le laakau -

Kalate 5:18

Kae kapau e taki koutou e le Laumalie, ti e leaise kotou fakalogo loa ki le lao.

Efeso 2:15

Ti kua soloi e ia i lona tino le lao o fakatotonu i ona lekula ; ti kua loto a ia ke fakatupu iate ia kia laua toka lua se tagata foou e tasi, o fakatuu le tokamalie ;

Filipe 1:11

ti ke kotou apele i le fua o le maokioki leia ia Sesu-Kilisito, ke kotou fakakololia ai mo fakavikiviki ai ki le Atua.

Filipe 4:17

E leaise kau afa ni nea alofa, kae e kau afa le fua leia e fakalasi ia okoutou kau pepa.

Kolose 1:10

o tupu ke kotou saele o gali mo le Aliki, ti ke kotou malilie kiate ia i nea fuli, ti ke kotou maua ia ni fua o lasi i gaoi malilie kesekese, ti ke kotou tupu o lasi i le iloa o le Atua,

Kolose 1:22

o tupu ke fakatuu e ia koutou i ona mua kua maokioki, mo lee mele, ti mo sala valoki,

Kolose 1:6

Kua kaku atu a ia kia koutou, ti mo le malama nei katoa ; ti kua fua a ia, ti kua mafola a ia, o fai foki pe koutou, talu mei le aso leia na kotou logo ai mo iloa ai le kalasia o le Atua i le maoki,

Kolose 2:14

Ti kua soloi e ia le tosi lima leia na tuu ai a nea fuli ala na tuku kia tatou, ti na taofi kia tatou ; ti kua fakapuli e ia a ia, o tutuki a ia ki le koluse ;

Kolose 2:20

Kapau kua kotou mate mo Kilisito ki lao noa o le malama nei, kolea, o sakinake koi kotou mauli i le malama nei, e fakamaua ai kia koutou a lekula anei :

Epelo 10:10

Ti e tupu ko le finegalo lena kua tou soko ai o maokioki ki le momoli o le tino o Sesu-Kilisito, tua tasi fuai.

Uluaki tosi a Petelo 2:24

a ia leia na amo ia toka tasi atatou agasala i lona tino i le laakau, o tupu ke tou mate ki atatou agasala kae ke tou mauli ki le maokioki ; ti kua tou mauli i ona kafo.

Apokalipisi 19:7

Tou fiafia, tou nekenekea, ti tou tuku le kololia kiate ia ; talie kua soko le avaga o le Akeno, kua teuteu lana feauaki,

Apokalipisi 21:9

Ti na oki a ia, ko se tasi o aselo e toka fitu, ala na too ia a ipu e fitu kua apele i malaia fakaoki e fitu, na au loa o masau mai kiate au, o pati : Au, e kau fakasa atu loa kiate koe le feauaki, le avaga o le Akeno.